چۆنیەتی گرتنی ڕۆژووی شەشەڵان: ماڵپەڕی وەڵامەکان
چۆنیەتی گرتنی ڕۆژووی شەشەڵان
پرسیار:

ئایا دروستە مرۆڤ چەند رۆژێك دەستنیشان بكات لەمانگى شەوال بۆ رۆژوگرتن، یان ئەم رۆژانە كاتێكى دیارى كراویان هەیە؟ وە ئایا كە مرۆڤ ئەو رۆژانەى گرت ئیتر فەرز دەبێت لەسەرى و دەبێت هەموو ساڵێك بیانگرێت؟

وەڵامی پرسیارەکە بە پوختی:

ئەم شەش رۆژە كاتێكى سنوردار و دیارى كراویان نییە، بەڵكو كەسەكە بەویست و ئارەزوى خۆى دەیانگرێت ئەگەر بیەوێت لەناوەڕاستى مانگەكە یان لەكۆتایی مانگەكە یان لەسەرەتاى مانگەوە ئەگەریش ویستى پێكەوە یان بەجیاجیا، كەوابوو بەدەست خۆیەتى و كات فراوانە سوپاس بۆ خوا.

سابت بووە لە پێغەمبەرى خواوە  ـ ـ  كە فەرموویەتى: (( من صام رمضان ثم أتبعه ستّاً من  شوال كان كصيام الدهر))واتە: ئەوەى رۆژوى رەمەزان بگرێت و پاشان بەدوایدا شەش رۆژ لە مانگى شەوالیش بگرێت ئەوا وەكو ئەوە وایە هەموو رۆژێك بەرۆژو بێت(واتە وەكو رۆژوى هەموو ساڵەكە وەهایە). وە ئەم شەش رۆژە كاتێكى سنوردار و دیارى كراویان نییە، بەڵكو كەسەكە بەویست و ئارەزوى خۆى دەیانگرێت ئەگەر بیەوێت لەناوەڕاستى مانگەكە یان لەكۆتایی مانگەكە یان لەسەرەتاى مانگەوە ئەگەریش ویستى پێكەوە یان بەجیاجیا، كەوابوو بەدەست خۆیەتى و كات فراوانە سوپاس بۆ خوا، بەڵام ئەگەر پەلەى لێ بكات و هەرلەسەرەتاى مانگەوە بیانگرێت ئەوا باشترە و ئەمەش بەرتەسككردنەوەى تێدا نییە سوپاس بۆ خوا وەكو باسمان كرد بەئارەزوى خۆیەتى كەسەكە وتەنانەت ئەگەر ویستى ساڵانێك دەیگرێت و ساڵانێكیش نایگرێت وهیچی تێدا نییە وفەرز نییە.

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -


 

سەردان: ٣٦٥ بەش: ڕۆژووى سوننەت