بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
(ابن القیم) دەفەرموێت : (( پێغەمبەر ﷺ نوێژی جەژنی ڕەمەزانی دوادەخست و نوێژی جەژنی قوربانی پێش دەخست و بە پەلە دەیكرد،(ابن عمر) لەگەڵ َتوندی شوێنكەوتنی بۆ سوننەت هەتا خۆر هەڵنەهاتایەدەرنەدەچوو بۆ نوێژ )) ( زاد المعاد : 1 /442). (أبو بكر الجزائری) دەفەرموێت : (( كاتی نوێژی هەردوو جەژن لە بەرزبوونەوەی خۆرە بە قەدەر ڕمێك هەتا لاربوونەوەی خۆر ، باشتر وایە نوێژی جەژنی قوربان لە سەرەتای كاتەكەوە بكرێت تا خەڵكی بتوانن قوربانی خۆیان بكەن ، وە نوێژی جەژنی ڕەمەزان دوابخرێت تا خەڵكی بتوانن سەرفترەی خۆیان دەربكەن))( الموعظة الحسنة : 42 ، 43 )
بەڵام لە كاتێكدا كە درەنگ زانرا جەژنە ئەوا نوێژی جەژن لە ڕۆژی دواییدا دەكرێت.
"(أبی عمیری كوڕی أنس) لە چەند مامێكیەوە بۆمان دەگێڕێتەوە كە هاوەڵی پیغەمبەری خوا بوون ﷺ كە چەند كەسێك شایەتیان داوە كە ئەوان دوێنێ‌ مانگیان بینیوە ، پێغەمبەر ﷺ فەرمانی پێكردن كە ڕۆژوو بشكێنن و ئەگەر بەیانی هەستان بچن بۆ (مصلی) بۆ نوێژی جەژن " ( أبو داود : 1157 بسند صحیح ) .
لە كتێبی (حوكمەكانی هەردوو جەژن ) وەرگیراوە لە وەرگێڕانی: صلاح الدین عبد الكریم