بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
بەڵێ بە ئافرەتان دەڵێم ئەوەی كە ماڵی كردۆتە زیندان-ئەگەر گوزارشتەكە دروست بێت- ئەوە خوای گەورەیە: [وَقَرْنَ فِي بُيُوتِكُنَّ] {الأحزاب:33}واتە: دەبێ ئێوە لە ماڵەكانی خۆتاندا بسرەون وئۆقرەبگرن، بێ كاری پێویست لەماڵ دەرمەچن. وە پێغەمبەریش صلی الله علیەوسلم دەفەرموێت: " بیوتهن خیر لهن " واتە ماڵەكانیان باشترە بۆیان، وە ئافرەت ئازادە لەماڵدا بۆ هەرشوێنێكی خانووەكە بڕوات وكاری خۆی و ناوماڵ ڕاپەڕێنێت، ئیتر زیندانی وبەندكردن كامەیە، بەڵێ لەكاتێكدا زیندانیە كە بیەوێ وەكو پیاوبێت، وە ئاشكرایشە كە خوای كاربەجێ هەندێ تایبەتمەندی داوە بە ئافرەت وهەندێكیشی داوە بەپیاوە، وە جیاوازی هەیە لەنێوان ژن وپیاودا لە ڕووی پێكهاتەی جەستەیی وعەقڵ ودیندا بەگوێرەی سنوورەكانی شەرعی خوا.
وە بەو ئافرەتەی كە دەڵێت ماڵەوە زیندانە دەڵێین ئەم ووتەیەت دژە بەم ئایەتەی كە دەفەرموێت: [وَقَرْنَ فِي بُيُوتِكُنَّ] ئایا چۆن ئەو شتەی خوا فەرمانی پێكردووە ئێمە بە زیندانی دابنێین؟ بەڵام وەكو پێشتر ئاماژەم پێكرد زیندان بەو مانایەی كە ناهێڵێت تێكەڵی پیاوان بیت ودەرچیت، ئەگینا مانەوە لە ماڵدا ئەوە جێگای پاكی وخۆشبەختی تۆیە، ئەوە شەرم وحەیایە، حیشمەتە، دووریە لە فیتنە، دووریە لە بینینی پیاو بۆ ئافرەت وبەپێچەوانەشەوە، چونكە گەر ئافرەت دەربچێت بێگومان چاوی بە گەنجی قۆزو سەرنجڕاكێش دەكەوێت وشەیتان دەیخاتە دڵیەوە، یان چاوی بە جل وبەرگێكی سەرنجڕاكێش دەبێت و پێوەی مەفتوون دەبێت، بۆیە لەسەر ئافرەتان پێویستە لە خوابترسن وخۆپارێزبن، وبگەڕێنەوە بۆ ئەوەی خواو پێغەمبەر صلی الله علیەوسلم فەرمانیان پێدەكات، و بابزانن كە ڕووبەڕوی پەروەردگاریان دەبنەوە ئەو كاتە لە پێشگای خودا پرسیاریان لێ دەكرێت كە چۆن وبەچ شێوەیەك وەڵامی بانگەوازی پێغەمبەرانتان دایەوە، لەكاتێكیشدا نازانن كەی مردن یەخەیان پێدەگرێت و دەگەڕێنەوە، لەوانەیە ئافرەت ڕۆژ لە ماڵەكەیدا بكاتەوەو ئێوارە لە گۆڕدا بێت وبەپێچەوانەوە، بێداربنەوە با لە خوای خۆیان بترسن، واز لەو پڕوپاگەندەو بانگەوازە پووچەڵ وتێكدەرانەیەی ڕۆژئاوا بهێنن كاتێك گۆشتی فەساد وبەرەڵاییان خوارد و ئێسك ودەمارەكەی بۆ ئێمە دەنێرن بۆ ئەوەی بەدەوریدا بهولێینەوە بەنیەتی گۆشتەوە، دوای ئەوەی كەسوودەكەیان بردووە، ئەوان ئێستا ئومێدەوارن و خوازیارن كە ئافرەتانیان وەكو ئافرەتی داوێنپاكی موسڵمانی لێ بێت لە ماڵەكەیدا و دووری بخەنەوە لە جێگاو ژوانگەی بەدڕەوشتی وبەرەڵایی، بەڵام چۆن بۆیان هەیە پێی بگەن، ئایا ئەوە شایستەی ئێمەی موسڵمانە كە دینمان هەیە ڕەوشت وئەخلاقمان هەیە كیانمان هەیە كەچی هەسكەهەسكمان بێت بەدوای ئەو خراپەكاریەی ئەوانەوە! سبحان اللهِ العظيم لا حول ولا قوة إلا بالله.
[الشيخ محمد بن صالح العثيمين – فتاوى نور على الدرب]
ئایا حوكمى لهبهركردنى جلى تهسك چى یه لاى ئافرهتان و كهسى مهحرهمدا؟ وە ئایا لە نێوان ژن و مێرددا عەورەت هەیە؟ڕاتان چیە سەبارەت بە لەپێكردنی پانتۆڵ لەلایەن ئافرەتانەوە، چونكە بەربڵاوە لەم سەردەمەدا؟حیکمەتی بەڕۆژوو نەبوونی ئافرەت کاتێک کە لەسوڕی مانگانەدایەئایا دروستە بۆ ئافرەتی شوونەكردوو كە مكیاژ بەكاربهێنێ لەكاتێكدا ئەگەر دەرنەچێت و ڕووبەڕوی پیاوی بێگانە نەبێتەوە؟دوو خوشکم هەیە و حیجاب ناکەن و دایکم دەڵێ هەرکات گەورە بون خۆیان حیجاب دەکەن
