بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
قرتاند یان كورتكردنەوەی نینۆك لەو ئاكارانەیە كە خوا هەر بە فیترەت لە مرۆڤدا خولقاندوویەتی و فەرمانیشی پێكردووە لەڕووی شەرعیشەوە، وە پێغەمبەر ﷺ كاتی دیاری كردووە كە نابێت كورت كردنەوەی شوارب و تاشینی تووكی بەرو هەڵكەندنی توكی بن باڵ لە چڵ ڕۆژ زیاتر بێت، هەر بۆیە نابێت نینۆكیش لەسەرووی چڵ ڕۆژەوە نەقرتێنرێت ئیتر پاك بێت یاخود پیس، چونكە باشترین ڕێنمایی وڕێیاز، ڕێبازی پێغەمبەرە، وە كورت نەكردنەوەی نینۆك لەسەرووی چل ڕۆژەوە پێچەوانەی ئەو فیترەتەیە كە خوا خەڵكی لەسەر ڕاهێناوە، وە ئەگەریش مەبەستی لاساییكردنەوەی بێباوەڕان بێت ئەوە حەرامە، چونكە پێغەمبەر دەفەرموێت: " من تشبه بقوم فهو منهم " رواه الإمام أحمد بإسناد جید.
وە شێخ ئیسلام ابن تیمیە ڕەحمەتی خوای لێ بێ دەڵێت: نزمترین شتی ئەم فەرموودەیە ئەوەیە كە حەرامە، ئەگەر چی ڕوواڵەتی فەرموودەكە كوفری لاساییكەر دەخوازێت. بەڵام ئەگەر درێژكردنەوەكەی ونەقرتاندنی بۆ سەرووی چل ڕۆژ تەنها حەزو ئارەزوویەكی ناخی خۆی بێت ئەوا پێچەوانەی فیترەت و ئەو كاتەیە كە پێغەمبەری خوا بۆ ئوممەتەكەی داناوە.
[الشیخ العلامة محمد بن صالح العثیمین – فتاوی نور علی الدرب ]
ئایا حوكمى لادانى مووى دهست و پێ چی یه؟ئایا سوننەت كردنی ئافرەت دەبێتە هۆی لاواز بوونی ئاستی جنسی ئافرەت و زیانی پێ دەگەیەنێت؟خەتەنەكردنى كچان لە ڕووى شەرعەوە دروستە بكرێت یان نا؟حوکمى تاشینى موی بەر و دواوە بۆ پیاوان و ئافرەتانئایا دروستە ئافرەتان نینۆکیان درێژ بکەن بۆ جوانى؟ وە ئایا ڕەنگ کردنى نینۆکەکان دروستە؟
