پێغه‌مبه‌رى خوا ﷺ نه‌هى كردووه له (التبتل)، نه‌هى كردووه له‌وه‌ى كه مرۆڤ ژن نه‌هێنێت، یان ئافره‌ت شوو نه‌كات، شتێك له خۆى حه‌رام بكات كه خواى گه‌وره حه‌ڵاڵى كردووه، ته‌نها مه‌گه‌ر هۆكارێكى شه‌رعى ڕێگرى لێبكات. پێغه‌مبه‌رى خوا ﷺ فه‌رمانى كردووه به زه‌واج كردن: «تزوجوا الودود الولود»، كه‌واته باشتر وایه مرۆڤ هه‌وڵبدات كه هه‌ركاتێك بۆى گونجا ژن بهێنێت، چونكه پێغه‌مبه‌رى خوا ﷺ فه‌رمویه‌تى: «فإني مكاثر بكم الأمم»، هه‌روه‌ها ژن هێنان نیوه‌ى ئیمانت بۆ ته‌واو ده‌كات، له تێڕوانینى حه‌رام و خراپه ده‌تگێڕێته‌وه، به‌ڵكو نه‌وه و منداڵى صاڵحت هه‌بێت كه پێى به‌خته‌وه‌رى دنیا و قیامه‌ت بیت، كه‌واته پێویست ئه‌وه‌یه كه مرۆڤ تا له توانایدا هه‌بوو بیهێنێت، هه‌ندێك جار موسته‌حه‌ببه وه هه‌ندێك جار واجبه وه هه‌ندێك جار ته‌نها موباحه، هه‌ندێك جاریش ژن هێنان ده‌بێته حه‌رام یان ده‌بێته مه‌كروهـ كه بزانێت مافى ژنه‌كه‌ى نادات، حه‌قى جێبه‌جێ ناكات، بێگومان ئه‌و كاته تاوانبار ده‌بێت له‌وه‌ى كه بچێت كچى خه‌ڵكى بهێنێت و دواییش حه‌قى نه‌دات.
لە لایەن بەڕێز [د.عبداللطيف أحمد] ەوە وەڵام دراوەتەوە.
ئایا دروستە بە خەسووت بڵێی دایکە یان بە خەزورت بڵێى باوکە؟ئەگەر كچ لە شەوى گواستنەوەى دا خوێنى نەبینى ئایا ماناى وایە ئەوە كچ نى یە و ژنە؟ من دەمەوێت نەهێلم منداڵم بێت چ جۆرە مەنعێک باشە بەڕای جەنابتان؟ئایا زەواج لە نێوان كچێكى موسڵمان و كوڕێكى مەسیحى دا حەرامە؟هیچ هەست بە چێژ و خۆشی ناکەم لەگەڵ خێزانەکەم
