بەناوی خوای بەخشندەی میهرەبان
حەج كردن چەندین مەرجی هەیە لەوانە موسڵمانێتی ، پێگەشتن (بلوغ) ژیری ، ئازادی ، توانا . هەركەس ئەم مەرجانەی تیادا نەهاتبێتە دی حەجكردنی لەسەر واجب نەبووە . بۆ مەرجی توانا بوون ئەبێت كەسی ناوبراو لەش ساغ بێت وە ڕێگەی ڕۆشتنەكەی ئاسایش بێت لە نەفس و ماڵی نەترسێ وە خۆراك و وەسیلەی ڕۆشتنی هەبێت ئەگەر لە مەككەوە دوور بوو بۆ ئەم مەبەستانە ئەگەر قەرزار بوو ئەوە حەجی لەسەر واجب نیە بەڵام ئایا دروستە قەرز بكات و بچێت؟ بۆ ئەم مەسەلەیە ئەگەر توانای قەرزدانەوەی هەبێت دروستە ، بەڵام چاكتر (أفضل) ئەوەیە نەیكات چونكە دانەوەی قەرز لە پێشترە تاوەكو حەجكردن ، و ئەگەر توانای دانەوەی نەبێت یان دوای بخات ئەوە نابێ بیكات .
وەڵامى بەڕێز مامۆستا خلیل أحمد