لەم حاڵەتەدا تەنها سەعى دووبارە دەكاتەوە، ئەوەش لەبەر ئەوەى ریزبەندى لەنێوان تەواف وسەعیدا واجبە، وە پێغەمبەرى خوا ـ ﷺ ـ  ریزبەندى تێدا كردووە و فەرمویەتى: ((لتأخذوا عني مناسككم))⁽¹⁾ واتە: شێوازى ئەنجامدانى حەج و عومرەتان لە منەوە وەربگرن. بۆیە مادام چۆنێـى حەج و عومرەكردنمان لەوەوە وەردەگرین كەواتە سەرەتا بە تەواف دەست پێ دەكەین وپاشان سەعى، و ئەگەر بڵێت من هیلاك وماندوو بوم لە یەكەم سەعیەوە ئەوا دەڵێن پاداشت وەردەگریت لەسەر ئەو ماندووبونەت بەڵام نابێت لەسەر هەڵە رێگەت بدەین.

وە هەندێك لە تابعین و زانایان بۆ ئەوە چوون كە ئەگەر كەسێك سەعى كرد لە پێش تەوافەوە بەهۆى بیرچوونەوەوە یان بەنەزانین ئەوا هیچی لەسەر نییە هەروەكو چۆن لە حەجدا بەو شێوەیە بوو.

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -