منداڵان فێری دین دەكرێن كاتێك كە دەگەن بە تەمەنێك كە توانای جیاكردنەوەی شتەكانیان هەبێت لەبەر فەرموودەی: (مروا أولادكم بالصلاة لسبع واضربوهم عليها لعشر وفرقوا بينهم في المضاجع) [رواه أبو داود في "سننه" (1/130) من حديث عمرو بن شعيب عن أبيه عن جده رضي الله عنهم] جا كە گەیشتە ئەو تەمەنە ئیتر باوكەكە فێری دینی دەكات ولەسەر خێر پەروەردەی دەكات بەوەی كە فێری قورئانی بكات و هەرچی توانی لەسەر فەرمودەیش، وە حوكمە شەرعیەكان ئەوانەی دەگونجێن بۆ تەمەنی ئەو لەوكاتەدا وەكو چۆنێتی دەستنوێژ و نوێژكردن و زیكرەكانی خەوتن و هەستان لە خەو و خواردن و خواردنەوە، چونكە كە دەگات بەو تەمەنە ئیتر تێدەگات و فامی ئەوەی هەیە كە فەرمانی بەچی پێ دەكرێت و لەچیش رێگری لێ دەكرێت، وە هەروەها رێگری لێ دەكات لە كارو گوفتاری نەشیاو ونادروست وەكو درۆ و فیتنەیی و هاوشێوەكانی، بۆ ئەوەی هەرلەسەرەتاوە لەسەر ئەنجامدانی خێر و چاكە ونەكردنی خراپە پەروەردە بێت، ئەمەش لەڕاستیدا كارێكی هەرەگرنگ ولەپێشینەیە كە زۆرێك لە خەڵكی لێ بێ ئاگا و كەمتەرخەمن لەگەڵ منداڵەكانیاندا.
زۆرێك لەخەڵكی گرنگی نادەن بە كاروباری منداڵەكانیان و بەرەو خێرو چاكە ئاراستەیان ناكەن، و وازیان لێ دەهێنن و فەرمانی نوێژیان پێ ناكەن، بەڵكو لەبری ئەوە لەسەر نەزانی و نەفامی كاری نابەجێ گەورە دەبن و تێكەڵی كەسانی خراپ دەكەن لەسەر شەقام و وانەكانیان وەلا دەنێن وپشتگوێی دەخەن، هەتا جگە لەوانەش لە شتەخراپەكانی تر كە زۆرێك لە منداڵانی موسڵمانی لەسەر پەروەردە دەبن بەهۆی كەمتەرخەمی باوكەكانیانەوە، چونكە ئێستا ئەوان بەرپرسن لەسەریان و خوای گەورە ئەو ئەركەی بەوان سپاردووە، قال ﷺ: (مروا أولادكم بالصلاة لسبع واضربوهم عليها لعشر وفرقوا بينهم في المضاجع) [رواه أبو داود في "سننه" (1/130) من حديث عمرو بن شعيب عن أبيه عن جده رضي الله عنهم]، ئەمەش ئەمرە و بەرپرس كردنی باوكانە، وئەوەی فەرمانی نوێژ بەمنداڵەكەی ناكات ئەوا سەرپێچی فەرمانی پێغەمبەری خوای ﷺ كردووە و كارێكی حەرامی كردووە و واجبێكی واز لێ هێناوە كە پێغەمبەری خوا ﷺ پێویستی كردووە لەسەری.
وقال ﷺ: (كلكم راع وكلكم مسئول عن رعيته) [رواه الإمام البخاري في "صحيحه" (8/104) من حديث عبد الله بن عمر رضي الله عنهما] هەندێك لەباوكان بەداخەوە سەرقاڵن بەدونیا و ئاوڕ لەمنداڵەكانیان نادەنەوە و هیچ كاتێكیان بۆ تەرخان ناكەن، و بەڵكو هەموو كاتەكانیان تەنها بۆ دونیایە و ئەمەش مەترسیەكی گەورەیە كە زۆربوە وبەربڵاوە لە وڵاتە موسڵمانەكاندا كە پەروەردەی منداڵەكان خراپ بووە و وایان لێ هاتووە كە نەبۆ دین و نەبۆ دونیا دەشێن، ولا حول ولا قوة إلا بالله العلي العظيم.
الشيخ صالح بن فوزان بن عبدالله الفوزان عضواللجنة الدائمة للإفتاء وعضو هيئة كبار العلماء
ئایا واجبە منداڵی باڵغ نەبوو پەیوەست بكەیت بە نوێژی جەماعەتەوە؟خواردن دروست کردن و دەعوەت کردنى خەڵکى بەموناسەبەی خەتەنە کردنەوە دروستە؟دەمەوێ ناوی منداڵەکەم بنێم ئایا ئادابە شەرعیەکان چی یە سەبارەت بە ناو نانى منداڵ؟لەکەیەوە منداڵەکەم فێری ئاینی ئیسلام بکەم ؟ئاداب و ڕەوشتە جوانەكان بـۆ منداڵە چاوگەشـەكان
