پێغه‌مبه‌ر (صلى الله علیه‌ وسلم) ئه‌م نزایه‌ی ده‌خوێند له‌ شه‌و نوێژه‌كانیدا.
«اللَّهُمَّ لَكَ الْحَمْدُ أَنْتَ نُورُ السَّمَاوَاتِ والأَرْضِ وَمَنْ فِيهِنَّ, وَلَكَ الْحَمْدُ أَنْتَ قَيِّمُ السَّمَاوَاتِ وَالأَرْضِ وَمَنْ فِيهِنَّ, [وَلَكَ الْحَمْدُ أَنْتَ رَبُّ السَّمَاوَاتِ والأَرْضِ وَمَنْ فِيهِنَّ]، [وَلَكَ الْحَمْدُ لَكَ مُلْكُ السَّمَاوَاتِ وَالأَرْضِ وَمَنْ فِيهِنَّ ] [وَلَكَ الْحَمْدُ أَنْتَ مَلِكُ السَّمَاوَاتِ وَالأَرْضِ] [وَلَكَ الْحَمْدُ] [أَنْتَ الْحَقُّ, وَوَعْدُكَ الْحَقُّ, وَقَوْلُكَ الْحَقُّ, وَلِقَاؤُكَ الْحَقُّ, وَالْجَنَّةُ حَقٌّ, وَالنَّارُ حَقٌّ, وَالنَّبِيِّونَ حَقٌ, وَمُحَمَّدٌ صَلَى اللهُ عَلَيْه وَسَلَّم حَقٌّ, وَالسَّاعَةُ حَقٌّ] [اللَّهُمَّ لَكَ أَسْلَمْتُ, وَعَلَيْكَ تَوَكَّلْتُ, وَبِكَ آمَنْتُ, وَإِلَيْكَ أَنَبْتُ, وَبِكَ خَاصَمْتُ, وَإِلَيْكَ حَاكَمْتُ, فَاغْفِرْ لِي مَا قَدَّمْتُ، وَمَا أَخَّرْتُ، وَمَا أَسْرَرْتُ, وَمَا أَعْلَنْتُ] [أَنْتَ الْمُقَدِّمُ, وَأَنْتَ الْمُؤَخِّرُ لا إِلهَ إِلا أَنْتَ] [أَنْتَ إِلهَي لا إِلهَ إِلا أَنْتَ]». البخاري مع الفتح 3 / 3 و 11 / 116 و 13 / 371 , 423 , 465 ومسلم مختصرا بنحوه 1 / 532 {وصحابي الحديث هو عبد الله بن عباس (رضي الله عنهما)}.
واته‌: (خودایه‌ سوپاس و ستایش بۆ تۆ، تۆی ڕوناكی ئاسمانه‌كان و زه‌وی و ئه‌وه‌یش، كه‌ تێیاندایه‌، سوپاس و ستایش بۆ تۆ و تۆی هه‌ڵسوڕێنه‌ری ئاسمانه‌كان و زه‌وی و ئه‌وه‌یش، كه‌ تێیاندایه‌، سوپاس و ستایش بۆ تۆ و تۆی په‌روه‌ردگاری ئاسمانه‌كان و زه‌وی و ئه‌وه‌یش، كه‌ تێیاندایه‌، سوپاس و ستایش بۆ تۆ و بۆ تۆیه‌ سامانی ئاسمانه‌كان و زه‌وی و ئه‌وه‌یش، كه‌ تێیاندایه‌، سوپاس و ستایش بۆ تۆو تۆی پادشای ئاسمانه‌كان و زه‌وی، سوپاس و ستایش بۆ تۆ، خودایه‌ تۆ ڕاستیت و به‌ڵێنه‌كانت ڕاستن و گوته‌كانت ڕاستن و گه‌یشتن پێت ڕاسته‌ و به‌هه‌شت ڕاسته‌ و دۆزه‌خ ڕاسته‌ و پێغه‌مبه‌ران ڕاستن و محمد (صلى الله علیه‌ وسلم) ڕاسته‌ و ڕۆژی دوایش ڕاسته‌، خودایه‌ ملكه‌چی تۆ بووم و پشتم به‌ تۆ به‌ست و باوه‌ڕم پێت هێنا و بۆ لای تۆ گه‌ڕامه‌وه‌ و به‌ پشتیوانی تۆ به‌رپه‌رچی دوژمنانم ده‌ده‌مه‌وه‌ و حوكمه‌كانیش دێنمه‌وه‌ بۆلای تۆ، لێم خۆش ببه‌ له‌و گوناهانه‌ی، كه‌ له‌ پێشوودا كردوومه‌ و ئه‌وانه‌ش، كه‌ له‌ داهاتوودا ده‌یكه‌م و ئه‌وانه‌ش، كه‌ به‌ نهێنی و به‌ ئاشكرا كردوومه‌، تۆ پێشخه‌ریت و تۆ دواخه‌ریت و هیچ په‌رسراوێكیش نییه‌ كه‌ شایسته‌ی په‌رستن بێت جگه‌ له‌ تۆ نه‌بێت، تۆ په‌رستراومیت و هیچ په‌رسراوێك نییه‌، كه‌ شایسته‌ی په‌رستن بێت جگه‌ له‌ تۆ) .