داواكردن و هاواركردن له غه‌یرى خوا شیركى گه‌وره‌یه و گه‌وره‌ترین تاوانه و ده‌رچوونه له ئاینى ئیسلام، واجبه له‌سه‌ر ئه‌وكه‌سه ته‌وبه بكات و بگه‌ڕێته‌وه بۆلاى خواى گه‌وره داوا و پشت و په‌نا ته‌نها به خواى گه‌وره ببه‌ستێت هه‌روه‌ك خواى گه‌وره ده‌فه‌رمووێت: [ أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونَ ] [النمل: ٦٢]. واته: كێ یه به فریاى ئه‌وكه‌سه‌دێت كه له كاتى ته‌نگانه و سه‌خڵه‌تیدا هاوارى بۆ به‌رێت و كۆسپ و ناخۆشیان بۆلاده‌بات، وه ئێوه ده‌كاته جێنشینى پێشینان له‌زه‌ویدا، ئایا په‌رستراوێك له‌گه‌ڵ خوا هه‌یه به‌حه‌ق (بێگومان نه‌خێر نیه)، به‌ڵام ئێوه زۆر كه‌م په‌ند وه‌رده‌گرن.
هه‌روه‌ها خواى گه‌وره له ئایه‌تێكى تردا ده‌فه‌رمووێت: [ وَمَنْ أَضَلُّ مِمَّنْ يَدْعُو مِنْ دُونِ اللَّهِ مَنْ لَا يَسْتَجِيبُ لَهُ إِلَى يَوْمِ الْقِيَامَةِ وَهُمْ عَنْ دُعَائِهِمْ غَافِلُونَ ] [الأحقاف: ٥]. واته: كێ له‌و كه‌سه سته‌مكارت و گومڕا و سه‌لێشێواوتره كه له‌غه‌یرى خواى په‌روه‌ردگار ده‌پاڕێته‌وه و هاوارى بۆ ده‌كات كه هه‌تا ڕۆژى قیامه‌ت (ئه‌و په‌رستراوه) وه‌ڵامى ناداته‌وه و له هاوار بۆ كردنه‌كانیان بێئاگان وه كاتێك خواى گه‌وره كۆیان ده‌كاته‌وه حه‌شریان ده‌كات له ڕۆژى قیامه‌تدا هاوار بۆ كراوان (په‌رستراوه‌كان) ده‌بنه دوژمنیان و خۆیان به‌رى ده‌كه‌ن له‌و په‌رستنانه‌ى كه هاوه‌ڵ بڕیارده‌ره‌كان بۆیان ئه‌نجام دابوون
فَتاوى العَقيدة، الشَيخ محمد بن صالح العُثَيمين ، ص: (394 – 395).
پەنابردنى هەندێ لە شۆفێران بۆ پەڕۆ و نوشتە تا بە بەڵاو موصیبەت بە دوور بن ئایا واتای (الكفر بالطاغوت) چیە؟ئایا گەورەترین تاوان لای خوا چیە ؟حوكمی چون بۆ لای ساحیرو فاڵچی حوكمى سەردانى كردنى گۆڕى پیاو چاكان بەمەبەستى داواكردنى لەش ساغى لێیان چیە؟ 
