ئه‌و ڕێگا ڕاسته‌ كامه‌یه‌ كه‌ خواى گه‌وره‌ فه‌رمانى پێ كردووین به‌وه‌ى له‌سه‌رى بڕۆین و نه‌هى لێكردووین له‌وه‌ى لێى لا بده‌ین؟: ماڵپەڕی وەڵامەکان
 ئه‌و ڕێگا ڕاسته‌ كامه‌یه‌ كه‌ خواى گه‌وره‌ فه‌رمانى پێ كردووین به‌وه‌ى له‌سه‌رى بڕۆین و نه‌هى لێكردووین له‌وه‌ى لێى لا بده‌ین؟

رێگاى ڕاست بریتیه‌ له‌ دینى ئیسلام به‌ گوێره‌ى قورئان و سوننه‌تی پێغه‌مبه‌رى خوا - -، خواى گه‌وره‌ ده‌فه‌رموێت: [ وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا... (103) ] واته‌: وه‌ هه‌مووتان ده‌ست بگرن به‌كتێبى په‌روه‌ردگارتان و ڕێنموونى په‌یامبه‌ره‌كه‌تانه‌وه‌ - -، و شتێك ئه‌نجام مه‌ده‌ن كه‌ ببێته‌ هۆى ته‌فریقه‌ و په‌رته‌وازه‌ییتان .
وه‌ ئه‌و كه‌سه‌شی كه‌ جگه‌ له‌م رێگه‌یه‌ بگرێته‌ به‌ر ئه‌وا رێگاكان له‌سه‌رى په‌رته‌وازه‌ ده‌بن و زۆرده‌بن و سه‌رنگون ده‌بێت، خواى گه‌وره‌ ده‌فه‌رموێـت: [ وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ (153) ] واته‌: وه‌ هه‌ر له‌و وه‌سێتانه‌ى كه‌ په‌روه‌ردگارتان وه‌سێتى پێكردوون ئه‌وه‌یه‌ كه‌ ئه‌م ئیسلامه‌ ڕێگاى ڕاستى خواى په‌روه‌ردگاره‌ بۆیه‌ شوێنى بكه‌ون، وه‌ نه‌كه‌ن ڕێگا و ڕێچكه‌ى گومڕایی بگرنه‌به‌ر، چونكه‌ پارچه‌پارچه‌تان ده‌كات ودوورتان ده‌خاته‌وه‌ له‌ ڕێگاى ڕاستى خواى په‌روه‌ردگار .
ئه‌و ئاراسته‌كردن و به‌ره‌و ڕێگاى ڕاست چوونه‌یه‌ كه‌ خواى په‌روه‌ردگار وه‌سێتى پێكردوون بۆ ئه‌وه‌ى خۆتان له‌ سزاكه‌ى بپارێزن به‌جێبه‌جێكردنى فه‌رمان پێكراوه‌كانى ودووركه‌وتنه‌وه‌ له‌ یاساغى لێكراوه‌كانى.
وعن ابن مسعود رضي الله عنه: خط لنا رسول الله خطاً، وخط خطوطاً عن يمينه وشماله، ثم قال: "هذا سبيل الله، وهذه سبل، على كل سبيل منها شيطان يدعو إليه" ثم قرأ {وَأَنَّ هَذَا صِرَاطِي مُسْتَقِيماً فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ} رواة أحمد وغيره.
واته‌: له‌ عبدالله ى كوڕى مه‌سعوده‌وه‌ ده‌ڵێت: پێغه‌مبه‌رى خوا - - هێڵێكى ڕاستى بۆ كێشاین و پاشان فه‌رمووى: " ئه‌مه‌ رێگا ڕاسته‌كه‌ى خوایه‌" پاشان چه‌ند هێڵێكى به‌ ڕاست و چه‌پیدا كێشا وفه‌رمووى: " ئه‌مه‌ رێگاكانن، وه‌له‌سه‌ر هه‌ر رێگایه‌ك شه‌یتانێكى له‌سه‌ر و بانگه‌وازى بۆ لا ده‌كات"، پاشان ئه‌م ئایه‌ته‌ى خوێنده‌وه‌: {وَأَنَّ هَذَا صِرَاطِي مُسْتَقِيماً فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ}.

وەرگیراوە لە کتێبی : (إعانة الخطباء والأئمة بفقه إمامة الأمة)
لە نوسینى شێخ : محمد بن زيد بن محمد المدخلي

سەردان: ٢,٠٦٦ بەش: بیروباوه‌ڕ