بەڵێ ئەمە لە سوننەتدا هاتووە هەروەک كەعبـی كوڕى مالك ڕەزاى خواى لێ بێ دەڵێت: ".. كان - يعني رسول الله - إذا قدم من السفر بدأ بالمسجد فيركع فيه ركعتين ثم جلس للناس" [أخرجه الشيخان]. واتە: پێغەمبەرى خوا ﷺ ئەگەر لە سەفەر بگەڕایەتەوە, لە مزگەوت لاى دەدا و دوو ركعات نوێژى تێیدا دەكرد و پاشان دادەنیشت بۆ خەڵكى .

ئەمەش لەبەر چەند هۆیەكی بەسود لەوانە:
یەکەم : سەردانی كەعبەی پیرۆز كە ماڵی خوایە تا مل كەچی بنوێنێ بە روكوع و سوجدە بردن بۆ خوای گەورە.
دووەم : تا هاوەڵە بەڕێزەكانی بەشیان هەبێ لە بینینی پێغەمبەر و سەلام كردنیان لێی.
سێیەم : تا ئەوەی چاك و گونجاوە بۆ خواى دابنێ بۆ ئەوەی ئاگاداری ئوممەتەكەی بكات ئەوەى پەیوەستە بە خوا پێش هەمو شتێك بخرێ.
چوارەم : بۆ ئەوەی خێزانەكانی ئامادەیی خۆیان وەرگرن بۆ پێشوازی كردنی پێغەمبەرﷺ.
پێنجەم : زۆر جار بەهۆی ئەوەی كە یەكێك لە سەفەردا بوبێ یان لێی دور بكەوێتەوەو پاشان لەناكاو بچێتەوە ماڵەوە لەوانەیە لە خۆشى و شادیان ژنەكەی لەهۆش خۆی بچێ و ببورێتەوە یان لە خۆشیا بمرێ.

جا بۆیە کاتێک پیاو لەسەفەر گەڕایەوە با پێش وەختە بچێتە مزگەوت و دوو ڕکات سوننەت بکات ، وە هەروەها بە تەلەفۆن خێزان و ماڵ و منداڵی ئاگادار بکاتەوە لە گەڕانەوە .