بسم الله الرحمن الرحیم
سوپاس و ستایش بۆ خواى گەورە ، وە درودو سڵاو لە سەر گیانى پێغەمبەرى خوا ، وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.

سەبارەت بە فەزڵی سورەتى (الکهف) ئەم فەرمودانە هاتوون و گرنگە موسڵمانان بیزانن و ئاگادارى بن :

1_ هەر كەسێك ئەم سورەتە بخوێنێتەوە، ئەوا بۆی دەبێتە ڕۆشنایی لە ڕۆژى دواییدا:
هاوەڵى خۆشەویست (أَبو سَعِيد)ى (الْخُدْرِيِّ)  رضی الله عنهدەگێڕێتەوە، كە پێغەمبەرى خوا ﷺ فەرمویەتى: (مَنْ قَرَأَ سُورَةَ الْكَهْفِ كَانَتْ لَهُ نُورًا يَوْمَ الْقِيَامَةِ)^(١). واتە: (هەر كەسێك سوڕەتى (الْكَهْف) بخوێنێت، هەر وەك چۆن دابەزیوە، ئەوا بۆى دەبێتە ڕۆشنایی لەڕۆژى دواییدا).

2_ هەر كەسێك ئەم سورەتە لە ڕۆژى جومعەدا بخوێنێتەوە، نێوانى دوو جومعەكەى بۆ ڕۆشن دەكاتەوە:
بەڵگەى صەحیح فەرمودەكەى (أَبو سَعِيد)ى (الْخُدْرِي)ە رضی الله عنه: (مَنْ قَرَأَ سُورَةَ الْكَهْفِ يَوْمَ الْجُمُعَةِ أَضَاءَ لَهُ مِنَ النُّورِ مَا بَيْنَ الْجُمُعَتَيْنِ)^(٢). واتە: (هەر كەسێك لە ڕۆژى جومعەدا سوڕەتى (الكهف) بخوێنێت، نێوانى دوو جومعەى بۆ ڕۆشن دەكاتەوە).

3_ لەبەر كردنى تەنها (دە) ئایەتى یەكەمى ئەم سوڕەتە، ئەبێتە هۆى پاراستنت لە فیتنەى دەججال، كە گەورەترین فیتنەیە^(٣):
هاوەڵى بەڕێز (أَبو الدَّرْدَاء) رضی الله عنه دەگێڕێتەوە، كە پێغەمبەرى خوا ﷺ فەرمویەتى: (مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْفِ عُصِمَ مِنَ الدَّجَّالِ)^(٤). واتە: (هەر كەسێك (دە) ئایەتى سەرەتاى سوڕەتى (الْكَهْف) لەبەربكات، ئەوا لە دەججال پارێزراو دەبێت)
لە ڕیوایەتی (النَّوَّاس)ى كوڕى (سَمْعَان)دا رضی الله عنه پێغەمبەرى خوا ﷺ كە باسى فیتنەى دەجال بۆ هاوەڵە بەڕێزەكان دەكات، دەفەرموێت: (فَمَنْ أَدْرَكَهُ مِنْكُمْ، فَلْيَقْرَأْ عَلَيْهِ فَوَاتِحَ سُورَةِ الْكَهْفِ)^(٥). واتە: (ئەگەر دەججال بە ئێوە گەیشت، ئەوا كۆتاییەكانى سورەتى (الكهف)ى بەسەرد بخوێننەوە).

(١) سنن النسائي: (10788)، سلسلة الأحاديث الصَّحِيحَة: (2651)، صَحِيح التَّرْغِيبِ وَالتَّرْهِيب: (225)
(٢) البيهقي: (3/ 249)، والحاكم في المستدرك وصحح إسناده: (2/368)، والدارمي موقوفاً في حكم الرفع، في فضائل القرآن، باب في فضل سورة الكهف: (2/326)، برقم: (3410)، وصححه الألباني بطرقه، في إرواء الغليل: (3/94)، برقم: (626).
زانا و ئیمامى سەردەم شێخى (الألباني) بۆمان ڕوون دەكاتەوە مەبەست لە لەبەركردنى ئەو (دە) ئایەتە چیە؟ هەر وەك فەرمویەتى: (قد جاء في حديث آخر بيان المراد من الحفظ والعصمة المذكورين في هذا الحديث وهو قوله ﷺ في حديث الدجال: (فَمَنْ أَدْرَكَهُ مِنْكُمْ فَلْيَقْرَأْ عَلَيْهِ فَوَاتِحَ سُورَةِ الْكَهْفِ، فَإِنَّهَا جوارُكم من فتنته). أخرجه أبو داود: (4321) بسند صحيح وأصله عند مسلم: (8/197) دون قوله (فَإِنَّهَا....). سلسلة الأحاديث الصحيحة: (2/125).
(٣) فیتنەى دەجال لەسەرەتاى مرۆڤایەتییەوە تا قیامەت گەورەترین فیتنەیە، بەبەڵگەى فەرمودەى صەحیح: (ما بين خلق آدم والساعة فتنة أضر من فتنة المسيح الدجال) صحيح الجامع: رقم (7875). واتە: (لەنێوان درووستكردنى ئادەم  (علیه السلام) و قیامەتدا، هیچ فیتنەیەك گەورەتر و خەتەرتر نییە لە فیتنەى مەسیحى دەججال).
(٤) صحيح مسلم: (809)
(٥) صحيح مسلم: (110)، كتاب: الفتن، باب: ذكر الدجال