كردەوە كردن بە قورئان لاى پێشینانى چاكمان: ماڵپەڕی وەڵامەکان
كردەوە كردن بە قورئان لاى پێشینانى چاكمان
پرسیار:

كردەوە كردن بە قورئان لاى پێشینانى چاكمان چۆن بووە؟

كردەوەكردن بە قورئانى پیرۆز، بەڕاست دانانى هەواڵەكانى و شوێنكەوتن و دەستگرتنە بە حوكمەكانیەوە، ئەمەش بەوە دەبێت، كە دەست بگرین بە فەرمانەكانى و وازبهێنین لەهەموو ئەو شتانەى، كەخواى گەورە لێى قەدەغە كردووین، ئەمەش بێگومان بەو مەرجەى كە: لەبەر ترسی سزاى خواى بەدەسەڵات و بەدەست هێنانى ڕەزامەندى و پاداشتە نەبڕاوەكانى خواى بە بەزەییە.
 هەر بۆیە پێشینانى چاكمان كاتێك قورئانى پیرۆز فێر دەبوون، بەتەواوی بەڕاستیان دەزانى و فەرمانەكانیشیان بەجێ دەگەیاند، بە بیروباوەڕێكى ڕاست و پتەوەوە.(١)
هەروەها حوكم كردن بە قورئانیش (حُكم بِمَا أَنْزَلَ اللَّه) بەشێكە لە كردەوەكردن بە قورئانى پیرۆز.
     بەهەمان شێوە گەڕانەوە بۆ فەرمایشت و فەرمودەكانى پێغەمبەرى خوا  ، نیشانەى دیار و سەرەكى كردەوە كردنە بە قورئانى پیرۆز.
ئەم سیفەتە بەرز و باڵایەش (كردەوە كردن بەقورئانى پیرۆز) لەناو دڵ و دەرون و لاشە و ڕەوشت و كردار و گوفتارى پێشینانى چاكمان بەتەواوى ڕەنگى داوەتەوە و هەمیشە لەهەوڵ و خەمى ئەوەدا بوون، كە كردەوە بە ئایەتەكانى قورئانى پیرۆز بكەن، پەرۆش بوون بۆ كردەوە كردن بە قورئان بەڕادەیەك مرۆڤ كاتێك سەیرى ژیانیان دەكات زۆر سەرسام دەبێت بەم سیفەتەیان!!
تابیعى ڕێزدار (أَبُو عَبْدِ الرَّحْمَن)ى (السُّلَمِي)(٢) رحمه الله  فەرمویەتى: (حَدَّثَنَا الَّذِينَ كَانُوا يُقْرِئُونَنَا الْقُرْآنَ: عُثْمَانُ بْنُ عَفَّانَ، وَعَبْدُ اللَّهِ بْنُ مَسْعُودٍ، وَغَيْرُهُمْ: أَنَّهُمْ كَانُوا إِذَا تَعَلَّمُوا مِنَ النَّبِيِّ عَشْرَ آيَاتٍ لَمْ يُتجَاوِزُوهَا حَتَّى يَتَعَلَّمُوا مَا فِيهَا مِنَ الْعِلْمِ وَالْعَمَلِ، قَالُوا: فَتَعَلَّمْنَا الْقُرْآنَ وَالْعِلْمَ وَالْعَمَلَ جَمِيعًا)(٣).
  واتە: (ئەوانەى كەوا قورئانیان فێرى ئێمە كردووە، وەك (عوسمان)ى كوڕى (عفان) و (عبدالله)ى كوڕى (مسعود) و جگە لەوانیش رضی الله عنهم، كاتێ قورئان فێر دەبوون تێیان نەدەپەڕاند تاوەكو فێرى واتاكەی و كردەوە پێكردنیشى دەبوون، وە دەیانووەت: فێری خوێندنەوەى قورئان و تێگەیشتن لەئایەتەكان و كردەوە پێكردنیشی دەبووین).
لەبەر ئەم هۆكارەشە كە لە ناو هاوەڵاندا كەسى وا هەبووە چەندین ساڵى خایاندووە تا سووڕەتێكى لەبەر كردووە و فێرى بووە! هەر وەك ئیمامى (مالیك)ى كوڕى (ئەنەس) رحمه الله  دەفەرموێت: (أَنَّ عَبْدَ اللهِ بْنَ عُمَرَ مَكَثَ عَلَى سُورَةِ الْبَقَرَةِ، ثَمَانِيَ سِنِينَ يَتَعَلَّمُهَا)(٤). واتە: (هاوەڵى خۆشەویست (عبدالله)ى كوڕى (عومەر) ڕەزاى خوایان لێ بێت هەشت ساڵ لە سووڕەتى (الْبَقَرَة)دا ماوەتەوە و فێرى بووە (بە هەشت ساڵ فێری بووە)).
ئەمەش لەبەر ئەوە نیە، كە هاوەڵە بەڕێزەكان تواناى لەبەركردنیان لاواز بووبێت، بەڵكو لەبەر ئەوە بووە، كە زۆر بەباشى تێگەیشتوون لەوەى كە قورئانى پیرۆز تەنها بۆ خوێندنەوە و لەبەر كردن دانەبەزیوە، بەڵكو بۆ تێگەیشتن لێى و كردەوە پێكردن دابەزیوە.
ئیمامى (أبوبَكر الطَّرْطُوشِي) پاش ئەوەى بەسەرهاتى (عبدالله)ى كوڕى (عومەر) ڕەزاى خوایان لێ بێت باس دەكات، دەفەرموێت: (قال علماؤنا: معنى ذلك: أنه كان يتعلم فرائضها، وأحكامها، وحلالها، وحرامها، ووعدها، ووعيدها، وغير ذلك من أحكامها)(٥). واتە: (زانایانمان فەرمویانە: واتاكەى ئەوەیە: ئەو خۆى فێرى فەڕزەكان و حوكمەكان و شتە حەلاَڵ و حەرامەكراوەكانى و بەخشینەكانى خوا و سزاكانى دەكرد، وە جگە لەمانەش خۆى فێرى هەموو یاسا و بنەمایەكى ترى قورئان دەكرد).

بۆ ئەم وەڵامە سود وەرگیراوە لە کتێبی : (نیعمەتی ڕەحمان لـە ڕونكردنەوەی بابەتە فیقهی ‌و عەقیدەییەكانی پەیوەست بە قورئـان) لە نوسین و ئامادەکردنى : د. هردی صدیق


(١) عظمة القرآن وتعظيمه وأثره في النفوس في ضوء الكتاب والسنة: (1/61)، المؤلف: د. سعيد بن علي بن وهف القحطاني
(٢) هو عبد الله بن حبيب بن ربيعة السلمي الكوفي، التابعي الجليل، شيخ الحسنين (رضي الله عنهما)، ثقة ثبت، إليه انتهت القراءة تجويداً وضبطاً، توفي بعد (70هـ)، غاية النهاية: (1/141)، معرفة القراء: (1/52).
(٣) أخرجه أحمد في مسنده: (5/410)، وانظره في مجمع الزوائد للهيثمي: (1/165)، والوجيز للقرطبي (ص: 137)، انظر: مجموع فتاوى شيخ الإسلام: (13/331)، وقد أخرجه الطبري في تفسيره: (1/80)، وقال المحقق في تعليقه على هذا الأثر: (هذا إسناد صحيح متصل). انظر: تفسير الطبري، تحقيق وتعليق: محمود شاكر، وأحمد شاكر. وأخرجه الطبري: (1/80) عن طريق الحسين بن واقد، حدثنا الأعمش عن شقيق عن ابن مسعود قال: (كان الرجل منا إذا تعلم عشر آيات لم يجاوزهن حتى يعرف معانيهن والعمل بهن). قال المحقق: (هذا إسناد صحيح). وهو موقوف على ابن مسعود، ولكنه مرفوع معنى، لأن ابن مسعود إنما تعلم القرآن من رسول الله  . فهو يحكي ما كان في ذلك العهد النبوي المنير (المصدر السابق: (1/80) وقال شعيب الأرناؤوط: (رجاله ثقات). انظر تعليقه على سير أعلام النبلاء: (4/270).
(٤) موطأ الإمام مالك: (1/205)، رقم: (479) كتاب القرآن، باب ما جاء في القرآن. درجة هذا الأثر: صحيح من خلال الإسناد الذي ذكره السيوطي والزرقاني. (القبس في شرح موطأ مالك بن أنس. المؤلف: القاضي محمد بن عبد الله أبو بكر بن العربي المعافري الاشبيلي المالكي (المتوفى: 543هـ) المحقق: الدكتور محمد عبد الله ولد كريم)
(٥) الحَوادِثُ وَالْبِدَع: (1/97)، وَقَالَ الزرقاني رَحِمَهُ الله: (لَيْسَ ذَلِكَ لِبُطْءٍ مَعَاذَ اللَّهِ، بَلْ لِأَنَّهُ كَانَ يَتَعَلَّمُ فَرَائِضَهَا وَأَحْكَامَهَا وَمَا يَتَعَلَّقُ بِهَا، فَقَدْ رُوِيَ عَنِ النَّبِيِّ،  ، كَرَاهَةُ الْإِسْرَاعِ فِي حِفْظِ الْقُرْآنِ دُونَ التَّفَقُّهِ فِيهِ، وَلَعَلَّ ابْنَ عُمَرَ خَلَطَ مَعَ ذَلِكَ مِنَ الْعِلْمِ أَبْوَابًا غَيْرَهَا، وَإِنَّمَا ذَلِكَ مَخَافَةَ أَنْ يَتَأَوَّلَهُ عَلَى غَيْرِ تَأْوِيلِهِ، قَالَهُ الْبَاجِيُّ وَنَحْوُهُ قَوْلُ أَبِي عُمَرَ لِأَنَّهُ كَانَ يَتَعَلَّمُهَا بِأَحْكَامِهَا وَمَعَانِيهَا وَأَخْبَارِهَا، وَهَذَا الْبَلَاغُ أَخْرَجَهُ ابْنُ سَعْدٍ فِي الطَّبَقَاتِ، عَنْ عَبْدِ اللَّهِ بْنِ جَعْفَرٍ، عَنْ أَبِي الْمَلِيحِ، عَنْ مَيْمُونٍ: أَنَّ ابْنَ عُمَرَ تَعَلَّمَ الْبَقَرَةَ فِي ثَمَانِ سِنِينَ). شرح الزرقاني لموطأ مالك: (2/27).

سەردان: ١٤١ بەش: قورئانی پیرۆز