نوێژى هەینى لە مزگەوتى شارو لادێكان نەبێت دروست نییە، و نابێت كۆمەڵە خەڵكانێك لە بیابان یان لە دەریادا بن خۆیان نوێژى هەینى بكەن چونكە ئەوە لە رێباز ورێچكەى پێغەمبەرى خوا ﷺ نەبووە ئەوە نەبێت كەلە مزگەوتەكاندا كردوویەتى، وە پێغەمبەرى خوایش ﷺ چەندین رۆژ سەفەرى كردووە و كەچى لەگەڵ ئەوەشدا لێیەوە نەهاتووە كە نوێژى هەینى دابەستبێت وكردبێتى، وە ئێوە ئێستا لەدەریادا جێگیر نیـن، و بەڵكو باكور وباشور دەكەن ودەگەڕێنەوە بۆ نیشتیمانى خۆتان، بۆیە ئەوەى واجبە لەسەرتان نوێژى نیوەڕۆیە نەوەكو هەینى، وە ئەگەریش رێبواربن بۆتان هەیە نوێژە چواریەكان كورت بكەنەوە بۆ دوو ركات.

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –