گومانى تێدا نیه‌ كه‌ بیدعه‌یه‌ خواى په‌روه‌ردگار هیچ به‌ڵگه‌یه‌كى له‌سه‌رى دانه‌به‌زاندووه‌ چونكه‌ نه‌ له‌ پێغه‌مبه‌ر (صلى الله علیه‌ وسلم) ونه‌له‌ هاوه‌ڵانه‌وه‌ باسنه‌كراوه‌و نه‌گێڕڕاوه‌ته‌وه‌, وه‌ هه‌موو خێروچاكه‌یه‌كیش بریتیه‌ له‌ شوێنكه‌وتنى ئه‌وان و گرتنه‌به‌رى ڕێبازى ئه‌وان وه‌كو خواى په‌روه‌ردگار ده‌فه‌رموێت: [ وَالسَّابِقُونَ الأَوَّلُونَ مِنْ الْمُهَاجِرِينَ وَالأَنصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَداً ذَلِكَ الْفَوْزُ الْعَظِيمُ ] التوبة: 100
واته‌:خوای میهره‌بان له‌وانه‌ی كه‌ پێشكه‌وتن و یه‌كه‌م كه‌س بوون له‌ ئیسلام بوون و خزمه‌ت كردنی ئیسلامدا له‌كاروانی كۆچبه‌ران و پشتیوانان و ئه‌وانه‌ی كه‌ به‌ ڕێكوپێكی شوێنیان كه‌وتوون، ڕازی بووه‌و ئه‌وانیش له‌و ڕازی بوون، باخه‌كانی به‌هه‌شتی بۆ ئاماده‌ كردوون كه‌ چه‌نده‌ها ڕووبار به‌ به‌رده‌م كۆشكه‌كانی و به‌ژێر دره‌خته‌كانیدا ده‌ڕوات، هاوڕێ له‌گه‌ڵ نه‌مریدا بۆ هه‌میشه‌یش تیایدا ده‌مێننه‌وه‌، ئه‌و سه‌رئه‌نجامه‌ سه‌ر كه‌وتنێكی زۆر گه‌وره‌یه‌.
وه‌ پێغه‌مبه‌رى خوا (صلى الله علیه‌ وسلم) ده‌فه‌رموێت :"من أحدث في أمرنا هذا ما ليس منه فهو رد"  واته‌: هه‌ركه‌سێك له‌م كاره‌ى ئێمه‌ كه‌ئیسلامه‌ شتێك دابینێت كه‌تیایدا نه‌بیتَ ئه‌وه‌ ئه‌دریته‌وه‌ به‌سه‌ریدا وه‌لێ ی وه‌رناگیرێت.
  وفي لفظ آخر قال عليه الصلاة والسلام:" من عمل عملاً ليس عليه أمرنا فهو رد" . هه‌ركه‌سێك هه‌ر كرده‌وه‌وه‌یه‌ك بكات كه‌ قسه‌ى ئێمه‌ى له‌سه‌ر نه‌بێت ئه‌وه‌ ئه‌درێته‌وه‌ به‌سه‌ریداو لێى وه‌رناگیرێت.
 وقال(ﷺ)"وشر الأُمر محدثاتها وكل بدعة ضلالة " أخرجه مسلم في صحيحه من حديث جابر.  
واته‌: خراپترینى كرده‌وه‌كان  داهێنراوه‌كانه‌ وه‌هه‌مووداهێنراوێكیش گومڕاییه‌.
 وصلى الله وسلم على نبينا محمد وآله وصحبه وسلم.

وەڵامى زاناى پایەبەرز : شێخ عبدالعزیز بن عبدالله بن باز - رحمه الله -
لە کتێبی : شرح الصدور بفتاوى القبور