ئەوەى كەباسی كرد سەبارەت بەوەى كە زۆرێك لە خەڵكى حوكمى ئەو دارخورمایانە نازانن كە لەنێو ماڵاندان ئەوە ڕاستە، زۆرێك لە خەڵكى حەوت دار خورما یان دە دار یان زیاتر یان كەمترى هەیە و بەروبومەكەشی گەیشتۆتە ئەندازەى زەكات كەچی نازانن زەكاتى تێدایە و وا گومان دەبەن كە زەكات تەنها لە بێستاندا هەیە، جا بەرى خورما زەكاتى تێدایە ئیتر لە بێستاندا بێت یان لەنێو ماڵ و گەڕەك، جا بۆیە با كەسێكى شارەزا بهێنن و بیخەمڵێنێت بەوەى كە ئایا گەیشتۆتە ئەندازەى زەكات یان نا؟ وە ئەگەر گەیشتە ئەندازەى زەكات ئەوا زەكاتى دەردەكات بەڵام چۆن دەرى دەكات كە ئەو دەچنێت و دەیڕنێتەوە؟ وەكو پرسیاركەر ووتى من واى دەبینم لەم حاڵەدا نرخى خورماكە دیارى بكرێت نیوەى دە یەكى دەربكرێت، چونكە ئەوە ئاسانترە بۆ خاوەنەكەى و سووبەخشتریشە بۆ هەژار ونەدار واتە پارەدان بەسوودترە بۆ هەژار و ئاسانتریشە بۆ خاوەن خورما، وە ئەندازەى زەكاتەكەشی بریتیە لە پێنج لە سەد، ئەمە لەكاتێكدا زەكاتى ماڵ بریتیە لە دوو نیو لەسەد، بەڵام ئەمە پێنج لە سەدى تێدایە چونكە زەكاتى بەروبومە نەوەك هى ماڵ وبازرگانى.
هەروەها ئەو ساڵانەشى كە زەكاتى دەرنەكردووە ئەوا لە دڵی خۆیدا دەیخەمڵێنێت و بزانێت چەند بڕى بەروبوم بووە لەو چەند ساڵەدا و ئێستا زەكاتەكەى دەردەكات، وە تاوانیشی لەسەر نییە لەوەى زەكاتى دواخستووە ئەو چەند ساڵە چونكە بە نەزانین بووە بەڵام ئێستا دەبێت هى ئەو چەند ساڵە بدات.
سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -
بەر و بوومه کشتوکاڵیەکان بگاتە چەند زەکاتی تێدایە ؟ جیاوازى هەیە کە بە باران یان بە ئامێر ئاودرابێ؟حوكمى زەكاتی دانەوێڵە ، وە لە چ بەروبومێکدا زەکات هەیە؟
