ئەم باسە جێگەى ڕاجیاوازى نێوان زانایانە: هەیانە دەڵێت: زەكات لە ماڵى شێت و منداڵ واجب نییە، ئەوەش بەتێڕوانین لەوەى كە منداڵ وشێت (موكەلەف) نین و ئەركە شەرعیەكانیان لەسەر نییە بۆیە زەكاتیش لە ماڵیان واجب نییە. 
هەشیانە دەڵێت: نەخێر، بەڵكو زەكات واجبە لەماڵیاندا و ئەمەش صەحیحە، چونكە زەكات حەق و مافی ماڵ وسامانە و سەیرى خاوەن ماڵەكە ناكرێت لەبەر ئایەتى: (خُذْ مِنْ أَمْوَالِهِمْ صَدَقَةً) (التوبة: الآية103)، واتە: ئەی پەیامبەری خوا لەماڵ و سامانی ئەو كەسانە وەرگرە وەكو بەخشین و صەدەقەیەك. دەبینى لەم ئایەتەدا ئەو شتەى كەواجبە دیارى كرد كە ماڵ وسامانە، وە هەروەها لەبەر فەرموودەى پێغەمبەرى خوا - ﷺ -  كەبە موعازى كوڕى جەبەلى فەرموو كاتێك كە ناردى بۆ وڵاتى یەمەت: (( أعلمهم أن الله افترض عليهم صدقة في أموالهم تؤخذ من أغنيائهم فترد على فقرائهم))⁽¹⁾
واتە: فێریان بكە كە خواى گەورە صەدەقەیەكى لەسەریان فەرزكردووە ئەویش لە ماڵ وسامانی دەوڵەمەندەكانیان وەردەگیرێت و دەدرێت بە هەژارەكانیان.

بۆیە بینا لەسەر ئەمە زەكات لە ماڵى منداڵ و شێت واجبە و كەس و كارى زەكاتەكەیان بۆ دەردەكەن.  

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -