نه‌خێر، سه‌له‌فییه‌ت یه‌عنى ئیسلام وه ئیسلامیش هانى داوین كه زیاتر لێكۆڵینه‌وه و وردبوونه‌وه و هه‌وڵدانمان هه‌بێت بۆ كارى خێر و به‌رژه‌وه‌ندى موسوڵمانان.
وه هه‌ر پێشكه‌وتنێكى دونیایی له بوارى ته‌كنه‌لۆژیا و ئه‌لیكترۆنى و پیشه‌سازى، ئیسلام به باشى ده‌زانێت، به مه‌رجێك له خزمه‌تى خه‌ڵكیدا بێت، وه به هه‌مان شێوه‌ش داهێنانى دونیایی و نوێكاریش، واته سه‌له‌فییه‌ت هیچ كاتێك به كاره‌با و سه‌یاره و قیتار و ته‌یاره و كۆمپیته‌ر و گشت داهێنانه دونیاییه‌كانى ترى نه‌وتووه بیدعه‌یه و خه‌راپه.
وه ئه‌و كه‌سانه‌ى كه ئه‌م پڕوپاگه‌نده‌یه بۆ سه‌له‌فییه‌كان ده‌كه‌ن یان نه‌فامن یان ناحه‌ز و بوهتانكه‌رن، چونكه پێغه‌مبه‌ر صلى الله علیه وسلم فه‌رموویه‌تى:
«أنتم أعلم بأمور دنياكم» [رواه مسلم]، واته: ئێوه شاره‌زاترن به دونیا له من.
كه‌واته هیچ كاتێك سه‌له‌فییه‌كان نه‌یانووتوه پێویسته دونیای ئه‌مڕۆى ئێمه وه‌كو دونیاى سه‌رده‌مى پێغه‌مبه‌ر صلى الله علیه وسلم بێت!!
نه‌یانوتووه با كاره‌با و سه‌یاره نه‌بێت، وه با خۆشگوزه‌رانى دونیایی نه‌بێت!!
چونكه خواى گه‌وره فه‌رموویوتى:
{قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِزْقِ} [الأعراف: ٣٢]. واته: كێیه ئه‌و كه‌سه‌ى كه ئه‌و ڕازاوه‌یی و جوانیانه حه‌رام ده‌كات كه خوا به خه‌ڵكى به‌خشیوه، وه كێ ڕزقه پاكه‌كان حه‌رام ده‌كات له به‌نده‌كانى خوا؟!
وه هه‌روه‌ها فه‌رموویه‌تى: {وَلَا تَنْسَ نَصِيبَكَ مِنَ الدُّنْيَا} [القصص: ٧٧]، واته: به‌شى خۆشگوزه‌رانى خۆت له دونیا له‌بیرمه‌كه، به‌ڵام به مه‌رجێك حه‌ڵاڵ و پاك بێت نه‌ك حه‌رام و پیس و زیانبه‌خش. كه‌واته سه‌له‌فییه‌ت هیچ داهێنان و نوێكارى و پێشكه‌وتنێكى باشى دونیایی له خه‌ڵك حه‌رام نه‌كردووه و به‌لایه‌وه بیدعه نیه. به‌ڵكو ئه‌وه‌ى كه به‌لایه‌وه بیدعه‌یه و حه‌رامه ته‌نها ده‌ستكارى كردنى دینه و زیاد و كه‌مى لێ كردنیه‌تى و داهێنانى شتێكى تازه‌یه به‌ناوى دینه‌وه هه‌روه‌كو پێغه‌مبه‌ر صلى الله علیه وسلم فه‌رموویه‌تى:
«مَنْ أَحْدَثَ فِى أَمْرِنَا هَذَا مَا لَيْسَ مِنْهُ فَهُوَ رَدٌّ» [رواه مسلم]، واته: هه‌ركه‌سێك له‌م دینه‌ى ئێمه‌دا شتێك دابهێنێت و زیادى بكات به‌ناوى دینه‌وه كه له دینه‌كه‌دا نه‌بێت ئه‌وه ڕه‌ت ده‌كرێته‌وه و لێی وه‌رناگیرێت چونكه دین خۆى كامڵ و ته‌واوه و هیچ نوقسانیه‌كى نییه و پێویستى به پینه و زیاده و بیدعه ناكات، هه‌روه‌ك خواى گه‌وره فه‌رموویه‌تى:
{الْيَوْمَ أَكْمَلْتُ لَكُمْ دِينَكُمْ} [المائدة: ٣]، واته: من ئه‌مڕۆ دینه‌كه‌تانم بۆ كامڵ و ته‌واو كردوون ... كه‌واته ده‌ركه‌وت كه له دیندا داهێنان بیدعه‌یه به‌ناوى دین نه‌ك له دونیادا.
بۆ نموونه نوێژى به‌یانى دوو ڕكعه‌ته هه‌ركه‌سێك ڕكعه‌تێكى ترى بۆ زیادبكات ئه‌وه بیدعه‌یه و گومڕاییه، وه هه‌روه‌ها له دیندا ته‌نها دوو جه‌ژنى ساڵانه هه‌یه، هه‌ركه‌سیك جه‌ژنى سه‌رى ساڵ و جه‌ژنى له دایك بوون زیادبكات ئه‌وه لێی وه‌رناگیرێت.
به‌ڵام هه‌ركه‌سێك ڕێگا و بانێكى باش یان بینایه‌كى باش یان سه‌یاره‌یه‌كى باش یان پرۆژه‌یه‌كى دونیایی باش بۆ خه‌ڵكى دابهێنێت ئه‌وه بیدعه نییه به‌ڵكو كارێكى باشه.
دکتۆر عبداللطیف أحمد
ئایا دەلیل چیە كە بە كارهێنانی ئەلقاب جگە لە (مسلم) كە رب العالمین ناوی ناوین بیدعە نیە؟ وەکو بەکارهێنانى وشەى (سەلەفى)چۆن پێناسەی وەهابیەت دەكەیت؟بهڵگه له قورئان و سوننهت چیه لهسهر واجبێتى شوێنكهوتنى بهرنامهى سهلهفى صالح؟ئایا مەنهەجی ئەهلی سوننە ناگونجێت لەگەڵ ئەم سەردەمەدا؟لە ئاكار و ڕەوشتی پێشینە چاكەكان (السَّلف الصالح)
