بەناوى خواى گەورە و میهرەبان
گەر مەبەست نوێژى فەرز بێ ئەوا واجبە لەسەر پیاو کە نوێژە فەرزەکانى لە مزگەوت بە جەماعەت بکات چونکە پێغەمبەرى خوا ﷺ فەرموویەتى : ( مَن سَمِعَ النِّداءَ فلَم يأتِ فلا صَلاةَ لَه إلَّا مِن عُذرٍ) واته : (ئەوەی بانگ ببیستێ و نەیەت بۆ نوێژی جەماعەت بەبێ عوزر ئەوا نوێژەكەی بۆ نی یە).واتە تەواو نی یە. فەرموودەیەكی ڕاستە لە كتێبی (صحیح الترغیب والترهیب)دا هاتووە.
وە هەروەها سەبارەت بە واجب بونى نوێژى جەماعەت باوكی أُمامە (خوای لێ ڕازی بێت)فەرمووی: (عبد الله ی كوڕی دایكی مكـتوم هات- كە كوێرە –بۆ لای پێغەمبەر (ﷺ) وە پێ ی فەرموو: ئەی پێغەمبەری خوا من بەم شێوەیەم كە دەمبینی:
أ-بەساڵاچووم
ب-ئێسقانم نەرم بووە
ج-بینینم نەماوە
د-كەسیشم نی یە هەموو ڕۆژێك بم هێنێت بۆ مزگەوت
هـ-ماڵیشم دوورە ولەڕێگاش دار خورماو درەختی لێ یە جا ئایا ڕوخسەتێك هەیە بۆ من نوێژ لەماڵەوە بكەم،!!
پێغەمبەر (ﷺ) لەسەرەتادا ڕوخسەتی پێداو كە پشتی كردەوە بۆ ڕۆیشتن بانگی كردەوەو پێ ی فەرموو ئایا گوێت لەبانگە لەماڵەوەدا ؟ ووتی بەڵێ،پێغەمبەر (ﷺ) پێ ی فەرموو:دەی بەدەنگ بانگەوە وەرە هیچ ڕوخسەتێكم پێ نی یە بۆت)!!
بۆیە دەبنین پێغەمبەرى خوا ﷺ ڕوخستەى نەدا بە پیاوێکى کوێر چونکە گوێى لە بانگ دەبوو .
بەڵام گەر پیاو نەخۆش بوو یان جارێک دواکەوت لە نوێژى جەماعەت یان ویستى لەگەڵ خێزانى شەو نوێژ بکات ئەوا خێزانى لە پشتیەوە دەوەستێت نەک لە تەنیشتى .
وە سەبارەت بە عوزری نەچوون بۆ نوێژی جەماعەت بریتییە لە:.
أ- ترس
ب- نەخۆشی
ج- باران
د-ئامادەبوونی خۆراك كاتی قامەت
ه-تەنگاوی.
ستافى وەڵامەکان
حوکمی کەسێک لە نوێژی سوننەت دایەو قامەت کراوە بۆ نوێژكهسێك لهسهفهردا بێت واجبه لهسهرى بچێت بۆ نوێژى جهماعهت؟ حوکمى خوێندنى سورەتى فاتحیە بۆ مەئموم چیە ؟واتە ئەوانەى لە دواى ئیمام نوێژ دەكەن دەبێت سورەتى فاتیحە بخوێنن؟ئایا تا چ مەسافەیەک ماڵت لە مزگەوت دوور بێ دەتوانى نەچیت بۆ نوێژى جەماعەت و تاوانبار نابی؟شوێنى وەستانى ئافرەت کاتێک پێش نوێژى دەکات بۆ کۆمەڵە ئافرەتێک
