بسم الله الرحمن الرحيم
كچ و كوڕ لە تەمەنى حەوت ساڵیەوە داواكراوە لە بەخێوكاریان فەرمانیان پێ بكەن بە نوێژ و لە دەساڵیدا ڕایان بێنن ئەگەر لێدانیشیان پێویست بوو بۆ ئەوەى ئەنجامى بدەن ئەم كارەش دەست پێشخەرییە بۆ ئەوەى منداڵ ڕابێت لەسەر كردەوەى چاك و لەكاتى پێگەیشتندا ئاسان بێت لاى، تەمەنى دیارى كراویش بۆ كچ وكوڕ (بالغ) بوونە ئەمەش لە كەسێكەوە بۆ كەسێكى تر و لە شوێنێكەوە بۆ شوێنێكى تر دەگۆڕێت بەڵام چەندین نیشانە هەن بۆ زانینى پێگەشتنى كوڕ یان كچ.
بۆ كوڕ سێ نیشانەیە:
یەكەم: پڕ كردنەوەى پانزە ساڵ.
دووەم: دابەزینى (مەنى) بە چێژەوە بەخەبەر بێت یان لەخەودا بێت.
سێ یەم: دەرهاتنى تووكى بەر.
ئەم سێ نیشانەیە بۆ (كوڕ و كچ) ن بەڵام كچان نیشانەیەكى تریان هەیە كە بریتى یە لە دابەزینى خوێنى بێ نوێژى (حيض) جا كچ یان كوڕ تا نەگاتە ئەم تەمەنە هیچ لسەر خودى خۆیان واجب نابێت بەڵام لەسەر كەس و كاریان واجبە ڕایان بێنن لەسەر كردەوە چاكەكان بە تایبەت نوێژ.
لەلایەن مامۆستا (خلیل أحمد)ەوە وەڵام دراوەتەوە