ئایا ڕاوكردنی باڵندەو ئاژەڵی وەكو كەروێشك و هاوشێوەكانی بە تفەنگ یان سەگی ڕاو و دواتر فڕێدانی بۆناو ئۆتۆمبیل لەكاتێكدا زیندوەو گیانی دەرنەچووە، پاشان گیانی دەردەچێت و دەمرێت ، جا ئایا حەڵاڵە خواردنی كە بەوشێوەیە بمرێت یان نا؟ جزاكم الله خیرًا....
ئەوەی لێتداوە بە فیشەك ئیتر باڵندە بێت یان جگە لەوە یاخود سەگی ڕاوت بۆ ڕاوناوەو گرتوویەتی و ڕاوی كردوە، ئەگەر سەگەكە كوشتی یان فیشەكەكە كوشتی، ئەوا حەڵاڵە بەمەرجێك ناوی خوات هێنابێ واتە (بسم الله) ت كردبێت لەكاتی هەڵنانی سەگەكە یان تەقاندنی فیشەكەكە.
قال سبحانه وتعالى: {فَكُلُواْ مِمَّا أَمْسَكْنَ عَلَيْكُمْ وَاذْكُرُواْ اسْمَ اللَّهِ عَلَيْهِ} [سورة المائدة: آية 4]، وقال النبي ﷺ: (إذا أرسلت كلابك المعلمة وذكرت اسم الله عليها فكل) [رواه الإمام البخاري في "صحيحه" (6/220) من حديث عدي بن حاتم رضي الله عنه]
جا ئەوەی پێی گەیشتی بەمردارەوەبوویی بەهۆی فیشەكەوە یان سەگی ڕاوەكەوە و ناوی خوات هێنابێ ئەوا حەڵاڵە و ئەوە سەربڕینی شەرعیە، بەڵام ئەوەی فریای كەوتی و گیانی تێدابوو ئەوا حەڵاڵ نیە هەتا سەری نەبڕیت، هەروەها ئەوەی فریای كەوتی و لەگیانداندا بوو ئەوەندە كاتت نەبوو فریای چەقۆ و سەربڕین بكەوێت و مرد ئەوا دیسان حەڵاڵە و حوكمی كوشتنی هەیە بە ئامێری ڕاوەكە ئیتر هەرچی بێت،كەوابوو سێ حاڵەتمان هەیە:
یەكەم: ئەوەی فریای كەوتی بەمردویی بە ئامێری ڕاو ئەوا حەڵاڵە بەمەرجێك ناوی خوات هێنابێت لەكاتی ناردنی سەگەكە یان تەقاندنی فیشەكەكە.
دووەم: ئەوەی فریای كەوتی و نیوەگیانێكی تێدا مابوو، پاشان مرد ئەوا حەڵاڵە دیسان بەمەرجی ئەوەی بسم الله ت كردبێت.
سێ یەم: ئەوەی فریای كەوتی و گیانی تێدابوو ئەوا حەڵاڵ نیە هەتا سەری نەبڕی و لەگەڵ ناو هێنانی خوادا لەكاتی سەربڕیندا.
الشيخ صالح بن فوزان بن عبدالله الفوزان عضواللجنة الدائمة للإفتاء وعضو هيئة كبار العلماء
فڕێدانى پاشماوەی خواردن بۆ ناو زبڵدان و تەنەکەى خۆڵئەو باڵندانەی كە بە تفەنگ ڕاو دەكرێن ئایا خواردنیان حەرامە ، چونكە بەمردارەوەبوو ئەژمار دەكرێن ؟ئایا زۆر خواردن حەرامە؟حوکمى خواردنى ئەو گۆشتانەى کە لە هەندێك وڵاتی بیانیەوە دەهێنرێت چیە؟حوكمی جگەرەكێشان چییە؟ حەرامە یان باش نییە؟
