به‌ڵگه‌ى زیندوو بوونه‌وه ئه‌م ئایه‌ته‌یه: [... يَوْمَ يَقُومُ النَّاسُ لِرَبِّ الْعَالَمِينَ (6) ] واته: ڕۆژێك كه هه‌موو خه‌ڵك له‌به‌ر ده‌ستى خواى په‌روه‌ردگاردا ده‌وه‌ستن و لێپرسینه‌وه‌یان ده‌كات له‌سه‌ر كه‌م و زۆرى كرده‌وه‌كانیان، و له‌و ڕۆژه‌شدا هه‌موو ملكه‌چى په‌روه‌ردگارى هه‌موو جیهانیانن .
وه هاتوویشه له ده‌قی تردا كه‌له پێش ئه‌وه‌دا سێ فووپیاكردن هه‌ن كه ئه‌مانه‌ن: فووپیاكردن بۆ ترساندن، فووپیاكردن بۆ مراندن، فووپیاكردن بۆ زیندووبونه‌وه و ده‌رچوون له‌گۆڕ، كه خه‌ڵكى ده‌رده‌چن بۆ لاى په‌روه‌ردگاریان به‌پێى په‌تى و ڕووتى و خه‌ته‌نه‌نه‌كراوى و خۆر لێیانه‌وه نزیك ده‌بێته‌وه، وه‌یه‌كه‌م كه‌سیش كه زه‌وى له‌ت ده‌بێ و لێى دێته‌ده‌ره‌وه پێغه‌مبه‌رمان محمده - ﷺ -، خه‌ڵكى هه‌موو ده‌رده‌چن وه‌كو كولله‌ى بڵاوه‌پێكراو به‌په‌له به‌ره‌و ئه‌و شوێنه‌ى بانگیان ده‌كرێت، وله‌كاتى هێنانى نامه‌ى كرده‌وه‌كانیشدا ته‌واوى جوڵه‌كان ده‌وه‌ستن و بێده‌نگیه‌كى ترسێنه‌ر دایان ده‌گرێت، وئه‌وه‌ى شاراوه‌یه ده‌رده‌كه‌وێت و په‌نهانى ناوسنگ و ناخیش ئاشكرا ده‌بێت، و خواى میهره‌بانیش له‌گه‌ڵ به‌نده‌كانیدا به‌بێ نێوه‌ندێك قسه‌یان له‌گه‌ڵ ده‌كات، و ته‌رازوى كێشانى كرده‌وه‌كان داده‌نرێت و پردى صیرات سه‌ر دۆزه‌خیش ڕاده‌خرێت و چاكه‌كاران به‌سه‌ریدا تێپه‌ڕده‌بن وخراپه‌كارانیش به‌رده‌بنه‌وه بۆ ناو دۆزه‌خ، ئاله‌و كاته‌دا یه‌كێك له‌دوو ماڵه هه‌میشه‌ییه‌كه ده‌بێته ماڵ و دوانشینگه‌ى له‌خواترسان، ئه‌ویش به‌هه‌شتى نه‌بڕاوه‌یه، ئه‌وی تریش ماڵى بێباوه‌ڕ و هاوبه‌ش په‌یداكه‌ر و دوڕووانه، ئه‌ویش ئاگـره.
له به‌روبومه‌كانى باوه‌ڕهێنان به زیندووبونه‌وه ئه‌وه‌یه كه :
وات لێ ده‌كات چوست وچالاك بیـت بۆ ئه‌نجام دانى كاروكرده‌وه و گرتنه‌به‌رى هۆكاره‌كانى گه‌یشتن به به‌هه‌شت و خۆپارێزى كردنیش له‌وه‌ى ده‌تگه‌یه‌نێت به ئاگــر.
سزای گۆڕ لەسەر باوەڕدار سوک دەرکرێتباسێک سەبارەت بە یەئجوج و مەئجوجئایا هاتنى محمد مهدی هیچ شتێكى لەسەر هاتووە یان تەنها بۆ سارد كردنەوەى موسڵمانانە؟ئایا بۆچى هەموو پێغەمبەران گەلەكانیان ئاگادار كردۆتەوە لە دەجال لەكاتێكدا ئەو لە كۆتایی دونیادا نەبێت دەرناچێت؟ ئایا سزای گۆڕ بوونی هەیە؟
