ئەسڵ لەعیبادەتدا ئەوەیە هەرشتێک لەشەرع دا هاتبێت ئەوا بەو شێوەیە دەبێ ئەنجام بدرێت و نەبۆی زیاد دەکرێت ونەکەم ، وپێویستە ئێمە عیبادەتی خودا بکەین بەوشێوازەی کەخودا وپێغەمبەرەکەی ﷺ فەرمانی پێ کردووین ، جا حیکمەت وفەلسەفەکەی بزانین یاخود نا ، بەتایبەت چۆنیەتی نوێژ وڕۆژوو وحەج...هتد ، ئەمانە شتانێکن مەجالی شتی عەقڵی تێدا نییە ، جا یەکێک لەهاوشێوەی ئەمانە شەش جار یاخود حەوت (الله ٲکبر) کردنە لەنوێژی جەژندا دوای ( الله ٲکبر) ی دەس پێکردن وپێش خوێندنی سوڕەتی فاتیحا لەڕکاتی یەکەم دا ، وەهەروەها پێنج جار (الله ٲکبر) کردن لەڕکاتی دووەم دا ئەمەش لەنوێژی جەژندایه جگە لەنوێژە فەرزەکانی تر .

جا ئەوەی لەسەر ئێمە واجبە باوەڕ بەتەشریعی خودا بێنین وگوێڕایەڵی خودا وپێغەمبەرەکەی ﷺ بکەین ، وتەسلیم بین پێی ، چونکە ئەسڵ لەعیبادەتدا تەعەبود وپەرستنە نەک زانینى هۆکار بێت وپێویست بێت ئێمە هۆکار وفەلسەفەی هەموو عیبادەتەکان بزانین .

دواتر بۆ عەبد نی یە تەداخولی هەندێ شت بکات کەتایبەتمەندی خودایە وهیچ پەیوەندی بەعەبدەوە نی یە ئەوەش وەک شێواز وچۆنیەتی ئەنجام دانی پەرستشەکان ، وبۆی نی یە پرسیار کات وبڵێت : ئەرێ خودا بۆ فڵان عیبادەتی بەو شێوەیە داناوە وفیساری بەو شێوەیەیی تر ؟

بەڵکو پێویستە لەسەری بزانێت وهەوڵ بدات چ شتێکی لەسەر واجبە وچۆن واجبە لەسەری ودواتر کاری پێ بکات وجێ بەجێی بکات ، خۆ ئەگەر حیکمەتەکەشی بۆ دەرکەوت ئەوا باشترە ، گەرنا تەسلیمی حوکمی خودا دەبێت وگوێڕایەڵی دەکات ودڵنیا دەبێت کەخودا هیچ شتێک دانەناوە ئیلا حیکمەت و مەسڵەحەتی بەندەی تێدایە ؛ چونکە خودا کار بەجێ وزانایە لەکار وگوفتارو شەریعەتەکەی وقەدەرەکەیدا : {إِنَّ رَبَّكَ حَكِيمٌ عَلِيمٌ}
واتە : بەتەئکید خودای تۆ کاربەجێ وزانایە .

وەئەوەی بەڵگەیە لەسەر ئەوەی کەئاماژەمان پێ دا ئەم ئایەتە پیرۆزەیە : {لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ}
واتە : بەتەئکید پێغەمبەر پێشەوا وپێشڕەوی چاکی ئێوەیە .

وەهەروەها پێغەمبەر ﷺ فرموویەتی : «صلوا كما رأيتموني أصلي » رواه البخاري في صحيحه،
واتە : نوێژ بکەن بەو شێوازەی کەمن دەبینن نوێژ دەکەم .

وەهەروەها لەحەجی ماڵئاواییدا فەرمووی : «خذوا عني مناسككم »
واتە : شێوازی حەج کردن لەمنەوە وەرگرن .

وبالله التوفيق وصلى الله على نبينا محمد وآله وصحبه وسلم.
اللجنة الدائمة للبحوث العلمية والإفتاء