كه‌ره‌نتینه كردن دروسته له شه‌رع دا؟
الحمد لله رب العالمین والصلاة والسلام علی خاتم الأنبياء والمرسلين، وعلى آله وصحبه أما بعد:
سه‌ره‌تا (قەرەنتین = الحجر الصحي) له بنەڕەت دا وشەکی لاتینییه (quadraginta = کوادراگینتە) یانی: چل، نیزامێكی خۆ پاراستنی تەندروستیه. کە نەخۆش یان ئه‌وه‌ی مه‌ترسی لێ ده‌كرێت بۆ ماوەی چل ڕۆژ ، لە شوێنێکی دابڕاودا ڕا ده‌گیرێت ، بۆ ڕیگرتن له تووش كردنی كه‌سی دی وبڵاوبوونەوەپە پە. به‌ڵام لە سه‌رده‌می ھاوچەرخ دا ، لە بواری ڤێترینێری پیادە دەکرێت. لە کاتی هاورده كردنی گیان لەبەر بۆ ماوەی چل ڕۆژ ، لە کەرەنتێن دا ده‌نرێت ، بۆ دڵنیا بوون له ئاڵودە نەبوون به هیچ نه‌خۆشیه‌ك. پاشان واتاكه‌ی فراوان تر كراوه وبۆ مرۆڤیش به كار هاتووه.
جا له وه‌ڵامی پرسیاره‌كه‌دا ئه‌ڵێن: به‌ڵێ شه‌رعیه، كه‌سێك له خه‌ڵكی تر جیا بكرێتهوه بۆ ئه‌وه‌ی نه‌خۆشیه‌كه‌ی سه‌ر نه‌كێشێت بۆ خه‌ڵكی تر، چ وه‌كو ده‌قه‌كان، چ وه‌كو مه‌به‌سته شه‌رعیه‌كان (المقاصد الشرعیة)، وچ وه‌كو فه‌رمایشتی زانایان كه زانایان له‌سه‌ر ئه‌مه‌ن. بڕوانه: شرح صحیح مسلم للنووي.
قورتوبیش له شه‌رحی فه‌رموده‌ی ته‌وقه نه‌كردنه‌كه‌دا ده‌فه‌رموێت: «ويفيد هذا الحديث إباحة مباعدة أهل الأسقام الفادحة المستكرهة إذا لم يؤد ذلك إلى إضاعتهم وإهمالهم». ورده‌كاری زیاتریش له كتێبه فیقهیه‌كاندایه. وقازی عیاض ئه‌فه‌رموێ: «ئه‌فه‌رمون: ته‌نانه‌ت ڕێگری هاتنه مزگه‌وت وتێكه‌ڵاوی كردنیشی لێ ده‌كرێت».
مامۆستا على خان
نیعمەت و فەزڵ و سودەکانى نەخۆشی بۆ کەسی نەخۆشتەوقە نەکردن بە هۆى کۆرۆناوەچارەسەرى کۆرۆنا و هەڵوێستى موسڵماننوێژى جەماعەت و نەخۆشی کۆرۆناڤایرۆسی كۆرۆنا و شاری مهدینهوه
