ئه‌و سیفات و خه‌سڵه‌تانه‌ی پێویستن له كه‌سی پێشه‌نگ و ڕه‌هبه‌ردا هه‌بێت ئه‌مانه‌ی لای خواره‌وه‌ن:
یەکەم : ده‌بێت ئه‌و كه‌سه هێنده شاره‌زا و ورد و به‌ئاگابێت له ده‌قه شه‌رعیه‌كان و، سه‌رچاوه‌ی بڕیار و هه‌ڵسوكه‌وته‌كانی ده‌رهاویشته‌ی ده‌قه موحكه‌مه‌كان بێت و، له‌وانه نه‌بێـت كه شوێن موته‌شابیهات ده‌كه‌وێت له ده‌قه‌كان و دڵیان هه‌ر ڕۆژه‌و له‌سه‌ر په‌تێكه و به‌دوای هه‌وا و هه‌وه‌سی خۆیانه‌وه نه‌بن.
دووەم: هه‌روه‌ها كه‌سی پێشه‌نگ ده‌بێت هێنده به توانا بێت، بتوانێت ده‌قه شه‌رعیه‌كان و به‌رژه‌وه‌ندی باڵاكان پێكه‌وه گرێ بدات و، به جوانی لێیان تێ بگات و ڕه‌چاوی دۆخ و باروزروفه‌كان به جوانی بكات و كه‌سێكی هه‌ڵه‌شه و نادان و نه‌زان نهبێت.
سێیەم : كه‌سێك شایسته به پێشه‌وایه‌تیه كه بتوانێت خوێندنه‌وه‌ی به‌جێ و دروست بۆ واقیعه‌كان بكات و، له بارودۆخی خه‌ڵك و ده‌وروبه‌ر به باشی بگات.
چوارەم: هه‌روه‌ها ئه‌و كه‌سه گونجاو و لایه‌قه به پێشه‌وایه‌تی گه‌نجی خواناس كه مه‌سڵه‌حه‌تی گه‌ل و گشتی بخاته پێش به‌رژه‌وه‌ندی تاكه‌كه‌سی و خۆی، وه دیفاعكردنی له ئیسلام و موسڵمانان له پێشه‌وه‌ی دیفاعكردنی له خۆی و بیروبۆچونه‌كانی خۆی بێت.
پێنجەم : هه‌روه‌كو له‌و جۆرانه‌ش بێـت كه وته‌كانی به كرده‌وه‌پێكردن بڕازێنێته‌وه‌و به ته‌نێ وه‌ستای قسان و كۆڵه‌واری ده‌ستان نه‌بێـت.
شەشەم: كه‌سایه‌تیه‌كی هاوسه‌نگ و له‌بار و به‌جێی هه‌بێـت و زیاده‌ڕۆو توندڕه‌و هه‌مدیس شلڕه‌و و كورتڕه‌ویش نهبێت، له‌وانهش نهبێت كه چیكڵدانه‌ی ته‌نگ و ته‌سكه و توانای له‌خۆگرتنی خه‌ڵكی نیه، به‌ڵكو پێویسته سینه و پشو درێژ بێت.
حەوتەم : له خودی خۆشیدا دژ به‌یه‌كی و پێچه‌وانه‌ی ده‌قه شه‌رعیه‌كانی نهبێت و نه‌جوڵێته‌وه.
هەشتەم : دیسان له زانسته جۆراو جۆره‌كانی كۆكردبێـته‌وه و لێیان ئاگادار و شاره‌زابێت و له‌وانه نهبێت كه نه‌خوێنده‌وار و هیچ له باراندانه‌بووه.
كه‌واته: ئێستا ته‌ماشایه‌كی ده‌وروبه‌ر بكه‌وه ئه‌ی برای گه‌نج و ئیتر به باق و بریق فریو مه‌خۆ .
خۆ كه ده‌ڵێین: قدوة و پێشه‌نگ، مانای ئه‌وه نیه ئیدی نابێت دوچاری هه‌ڵه و نه‌پێكان بێته‌وه، به‌ڵكو هه‌موو ئاده‌میه‌ك ڕوبه‌ڕوی هه‌ڵه و تاوانیش ده‌بێته‌وه، به‌ڵام باشترینیان ئه‌وانه‌ن تۆبه ده‌كه‌ن و واز له هه‌ڵه و تاوانیان دێنن..
وه‌رگێڕانی : مامۆستا جیهاد قادر علی
چۆن ببم بە مامۆستایەکى سەرکەوتوو ؟ ڕێگاکانى سەرکەوتنى مامۆستا کامانەن؟حوكمی فەرمانكردن بەچاكە و ڕێگرى کردن لە خراپە بە نیسبەت خەڵكی عەوامەوە چیە ؟ئەو کەسەی تازە موسوڵمان دەبێ سەرەتا هەوڵ بدات چ شتێک فێر ببێت ؟پێناسەی زانایان (العلماء) لای ئەهلی سوننە چۆنە؟ئامۆژگاری بەێزتان چی یە بۆ ئەو گەنجانەی کە پەلە دەکەن لەهەستان بەبانگەواز و دەعوە کردن و فەتوا دان بەبێ عیلم ؟
