ئەم خوونەریتە خراپەو دروست نیە جێ بەجێ بكرێت، ئەركى سەرشانى خاوەنى كچەكەیە هەر كە داواكارى هات ولە دین وڕەوشتى ڕازى بوون ئەوا بیدا بەشوو، و دروست نیە شووكردنەكەى دوابخرێت هەتا خوشكە گەورەكەى شوونەكات، لقول النبي ﷺ: " إذا خطب إليكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض "، چونكە دواخستنى شووكردنى بچووك هەتا كاتى بەشودانى گەورە ستەم كردنە لە بچووك، و هۆكارى دواخستنى هەموویان ، پێغەمبەرى خوا ﷺ فەرموویەتى : " اتقوا الظلم؛ فإن الظلم ظلمات يوم القيامة "واتە: خۆتان بپارێزن لە ستەم كردن چونكە ئەوە دەبێت تاریكایی لە ڕۆژى دواییدا.
وەسیەتم بۆ هەموو خاوەن كچەكان ئەوەیە تەقواى خوایان هەبێت، وسووربن لەسەر بەشوودانى كچەكانیان بە هاوشانى خۆیان، و وریابن لەوەى ستەمیان لێ بكەن، و هاوسەرگیریان دوابخەن بەناحەق،خواى گەورە هەموو لایەك سەركەوتوو بكات.

وەڵامى زانای پایەبەرز : شێخ عبدالعزيز بن باز - رحمه الله -