ئەمە بیدعەیە، و هیچ بنچینەیەكى لە سوننەتدا نییە، بەڵكو سوننەت پێچەوانەى ئەمەیە، چونكە خواى گەورە فەرموویەتى: (وَكُلُوا وَاشْرَبُوا حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ) (البقرة:187) . واتە: بخۆن و بخۆنەوە هەتا ڕووناكى بەیانى لە ڕەشایى شەو ڕوون دەبێتەوە ، بە دەركەوتنى سپێدە و گزنگى ڕاست ( فەجرى صادق ).
وە پێغەمبەرى خوا  ـ ﷺ ـ  فەرموویەتى: (( إن بلالاً يؤذن بليل، فكلوا واشربوا حتى تسمعوا آذان ابن أم مكتوم فإنه لا يؤذن حتى يطلع الفجر))⁽¹⁾ واتە: بیلال بەشەو بانگ دەدات، جا بخۆن و بخۆنەوە هەتا بانگى ابن مكتوم دەبیستن چونكە ئەو هەتا فەجر دەرنەچێت بانگ نادات. جا بۆیە ئەو ئیمساكەى كە هەندێ خەڵك دایان هێناوە زیادەیەكە لەوەى خوا فەرزى كردووە و بەتاڵە، و ئەوە لە زۆرلەخۆكردنە لە دینى خوادا و پێغەمبەرى خوایش  ـ ﷺ ـ  فەرموویەتى: ((هلك المتنطعون، هلك المتنطعون، هلك المتنطعون))⁽²⁾ واتە: تیاچوون ئەوانەى كە زیادەڕۆیی دەكەن لە خواپەرستیدا ولەسنورى شەرع دەریدەكەن و زۆر لەخۆیان دەكەن(ئەمەى سێ جار فەرموو).
سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -