ئەگەر ئەو ئایەتە بخوێنێنەوە كە خواى گەورە دەفەرموێت: (يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ) (البقرة:183) واتە: ئەى ئەوانەى باوەڕتان بەخواى پەروەردگار و پەیامبەرەكەى  ـ ﷺ ـ  هێناوە ، و بەڕاستتان زانیون ، و كارتان بەشەرعەكەى كردوە ، خواى پەروەردگار ڕۆژوى لەسەر فەرزكردون ، وەكو چۆن لەسەر ئوممەتانى پێش ئێوەشى فەرزى كردبوو ، بەڵكو تەقواى خواى پەروەردگار بكەن و پارێزكاربن ، بەوەى كە پارێزەرێك بخەنە نێوان خۆتان و سەرپێچیەكانەوە ، ئەوەش بەگوێڕایەڵى وعیبادەتكردنى خواى شكۆمەند بەتاك و بەتەنهایى .

ئەوا بێگومان ئەو حیكمەتەمان بۆ دەردەكەوێت كە بۆچى خواى گەورە رۆژوى واجب كردووە كە بریتیە لە تەقوا وخواپەرستى، وە تەقواش بریتیە لە نەكردن و وازهێنان لە حەرامكراوەكان و ئەنجام دانى فەرمان پێكراوەكان .

وە پێغەمبەرى خوایش  ـ ﷺ ـ  فەرموویەتى: ((من لم يدع قول الزور، والعمل به، والجهل فليس لله حاجة أن يدع طعامه وشرابه))⁽¹⁾ واتە:  ئەوەى واز لە قسەو وشەى نەشیاو و ناشایستە وتاوان ونەزانین نەهێنێت ئەوا خواى گەورە پێویستى بەوە نییە كە ئەو كەسە واز لە خواردن و خواردنەوەكەى بهێنێت.

هەربۆیە جەخت دەكرێتەوە لەسەر رۆژوەوان بەوەى كە دووربكەوێتەوە لە حەرامكراوەكان لە گوفتارو كردار، غەیبەتى خەڵك نەكات و درۆ نەكات و فیتنەیی نەكات لەنێوانیاندا و شتى حەرام نەفرۆشێت، جا ئەگەر یەك مانگ بەتەواوەتى لە حەرامكراوەكان خۆى دووربخاتەوە ئەوا بێگومان نەفس وناخى ڕادێت و ڕێك دەبێتەوە لەسەر چاكەكردن تەواوى ساڵەكە. 
بەڵام بەداخەوە زۆرێك لە رۆژوەوانان جیاوازى ناكەن لەنێوان بەرۆژو بوونیان و بەرۆژونەبونیان، دەبینى ئەوان لەسەر هەمان حاڵى خۆیانن لە قسەى حەرام و نەشیاو لە درۆ و غەش و شتى لەو جۆرە، هەستى ئەوەى پێ ناكەیت كە ویقارى رۆژوى پێوە بێت، وە ئەم كارانە رۆژو بەتاڵ ناكاتەوە بەڵكو پاداشتى كەم دەكاتەوە، وە لەوانەیە لەكاتى بەراورددا بەرانبەر یەكدى بوەستن و پاداشتى رۆژوەكەش نەهێڵێت.

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -