ئایا حوکمی سەفەر کردن چی یە لە ڕەمەزاندا بەنیەت و مەبەستی شکاندنی ڕۆژووەکەى و بۆ ئەوەى ڕۆژوو نەگرێت بە بیانوی ئەوەى کەسی موسافیر دەتوانێ ڕۆژوو نەگرێت؟
ڕۆژوو واجبە لەسەر مرۆڤ ، بەڵکو فەڕزو بنچینەیەکە لە بنچینەکانی ئیسلام هەر وەکو زاندراوە ، وە شتێک کەوا واجب بێت لە شەرعدا نابێت مرۆڤ شتێک یا فێڵێک بکات بۆ ئەوەی لای بدات لەسەر خۆی و نەیکات ، ئەو کەسە سەفەری کردووە بەمەبەستی شکاندنی ڕۆژوو ، ئەم سەفەر کردنە حەڕامەو دروست نی یە ، وە شکاندنی ڕۆژوەکەشی هەر حەڕامە ، بۆیە پێویستە لەسەری کەوا بگەڕێتەوە لای خواو تەوبە بکات ، وە بگەڕێتەوە لەسەفەرەکەی و بەڕۆژوو بێت ، گەر نەگەڕێتەوە ئەوا پێویستە لەسەری بەڕۆژوو بێت ئەگەر چی لەسەفەریش بێت .
وەڵامەکە کورتی و پوختی ئەوەیە : کە دروست نیە بۆ مرۆڤ کە فێڵ بکات بەسەفەر کردن و بەمەبەستی شکاندنی ڕۆژوەکەی ، چونکە فێڵ کردنی بۆ نەهێشتن و لادانی واجبێک، ئەم واجبە لاناچێت ، هەر وەکوو چۆن فێڵ کردن بۆ حەڕام و قەدەغەکراوێک حەڵاڵی ناکات و نایکات بە ڕێگە پێدراو و دروستی .
وەڵامى زاناى پایەبەرز : محمد بن صالح العثیمین - رحمه الله –
مەرجەكانی ئەو شتانەی كەڕۆژوو دەشكێنن چین؟بەتاڵكەرەوەكانی ڕۆژوو چین؟حوکمی دەرزی دان لە ڕۆژانی ڕەمەزاندا چیە؟ حوکمی ڕۆژوی ئەو کەسە چی یە کە هەندێ کارى لەگەڵ ئافرەتێکدا کردوە جگە لە زینا ؟حوکمی ئافرەتێک چییە کە بەهۆی نەزانینەوە لەکاتی حەیز بەڕۆژوو بووە
