خشوع لە نوێژدا: ماڵپەڕی وەڵامەکان
خشوع لە نوێژدا
پرسیار:

چۆن دەتوانین خشوع بەدەست بهێنین لە نوێژدا، و لە قورئان خوێندندا و لەدەرەوەى نوێژیش؟

خشوع كرۆك و ناوەرۆكى نوێژە، ماناكەشى واتە ئامادەبوونى دڵ و نەچوونى ئاگایی و دڵى نوێژخوێن بەملاولادا، وە ئەگەر مرۆڤ هەستى بە شتێك كرد كە لەخشوع دوورى دەخاتەوە لاى دەدات ئەوا با پەنابگرێت بەخوا لە شەیتان وەكو پێغەمبەرى خوا فەرمانى بەوە كردووە(١)، وە گومانى تێدا نییە كە شەیتان سوورە لەسەر تێكدانى هەموو عیبادەتەكان و بەتایبەت نوێژ كە باشترین عیبادەتە لەدواى شایەتومان، بۆیە دێت بۆ لاى كەسی نوێژخوێن و دەڵێت: بیرى ئەوە و ئەوە بكەرەوە(٢) بۆیە واى لێ دەكات لەناو داڵغە و بیركردنەوەدا بێت كە هیچ سوودى نییە و بە كۆتایی هێنانیش بە نوێژ ئەویش نامێنێت.

بۆیە واجبە لەسەر مرۆڤ كە زۆر سووربێت لەسەر ڕووكردنە خوا – عزوجل- و ئەگەریش هەستى بەشتێك كرد لەم وەسوەسە و بیركردنەوانە با پەنابگرێت بە خوا لە شەیتانى ڕەجم كراو ئیتر ئەگەر لە ركوعدا بێت یان لە تەحیات یان دانیشتبێت یاخود لەهەر حاڵەت و كاتێكدا بێت لەنوێژدا.

وە لەباشترین هۆكارەكانى دروست بوونى خشوع لەنوێژدا ئەوەیە كە وابزانێت و بیرلەوەبكاتەوە كە ئەو لەنوێژدا بەرانبەر بە خواى گەورە وەستاوە و قسەى لەگەڵدا دەكات.

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –


) رواه مسلم في باب 25- التعوذ ن شيطان الوسوسة في الصلاة 4/1728 ح 68 (2203).
) هذا جزء من حديث أبي هريرة المتفق عليه، رواه البخاري في الأذان/ باب فضل التأذين ح/608. ومسلم في الصلاة/ باب فضل الأذان وهرب الشيطان عند سماعه 1/291 ح 19 (389).

سەردان: ٤٥٢ بەش: نوێژ