هه‌ڵوێستى سه‌له‌فی صالح چۆن بووه له‌باره‌ى دوعاكردنه‌وه بۆ كاربه‌ده‌ستانى موسڵمانان له وتارى هه‌ینیدا ؟
بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
سه‌له‌ف گرنگیان داوه به دوعاكردن بۆ كاربه‌ده‌ستانى موسڵمانان، وه‌كردارى موسڵمانانیش به‌درێژایی مێژوو له‌سه‌ر ئه‌وه بووه، ئه‌وه‌ش له‌به‌ر ئه‌وه‌بووه كه چاكێتى و باش بوونى كاربه‌ده‌ستان به سوود و قازانجى خه‌ڵكى و نیشتیمان ده‌شكێته‌وه و ئه‌مه‌ش واقعێكى حاشاهه‌ڵنه‌گر و له‌پێش چاوه، جا یه‌كێك له‌هۆكاره‌كانى چاكبوونى كاربه‌ده‌ستان بریتیه له دوعاى خه‌ڵكى و به‌تایبه‌ت ئه‌هلى عیلم، به‌ڵگه‌ش له‌سه‌ر ئه‌وه:
یەکەم : له ئه‌میرى ئیماندارانه‌وه عومه‌رى كوڕى خه‌تتابه‌وه - رضي الله عنه - ده‌ڵێت: " بزانن كه خه‌ڵكى له‌حاڵه‌تى باش و پڕخێریدان هه‌تا كاربه‌ده‌ستانیان رێك و سه‌ر ڕاست بن ".
دووەم : له ئه‌بی موسلیمى خه‌ولانیه‌وه رحمه الله ده‌ڵێـت: " به‌وێنه‌ى خۆت فه‌رمانڕه‌وات بۆ داده‌نرێت جا ئه‌گه‌ر هیدایه‌ت دراوبوو ئه‌وا سوپاسی خوا بكه و ئه‌گه‌ریش جگه له‌وه‌بوو ئه‌وا دوعاى هیدایه‌تى بۆ بكه و پێچه‌وانه‌ى مه‌به چونكه گومڕا ده‌بیت ".
سێیەم : له فوزه‌یڵى كوڕى عیازه‌وه رحمه الله ده‌ڵێت: " ئه‌گه‌ر یه‌ك دوعام گیرابێت و بزانم وه‌ڵام ده‌درێته‌وه ئه‌وا بۆ كاربه‌ده‌ستى ده‌كه‌م ".
چوارەم : له پێشه‌وا ئه‌حمه‌دى كوڕى حه‌نبه‌له‌وه رحمه الله ده‌ڵێت: " من دوعا بۆ كاربه‌ده‌ستان ده‌كه‌م به‌وه‌ى خوا سه‌ركه‌وتو و ڕاست وحه‌قبێژ و پشتیوانیان بكات و ئه‌وه‌ش به‌ئه‌ركى سه‌رشانى خۆمى ده‌زانم ".
پێنجەم : زانای به‌رێز و هه‌ڵكه‌وتوو پێشه‌وا البربهاری رحمه الله له‌كتێبی ( شرح السنه )دا ده‌ڵێت: " ئه‌گه‌ر بینیت پیاوێك دوعا له كاربه‌ده‌ستان ده‌كات ئه‌وا بزانه ئه‌وه شوێن هه‌واو ئاره‌زوو كه‌وتووه، وه ئه‌گه‌ر بینیتیش كه‌سێك دوعا بۆ كاربه‌ده‌ستان ده‌كات بۆ چاكبوونیان ئه‌وا بزانه ئه‌و كه‌سه خاوه‌ن سوننه‌ته و شوێن سوننه‌ت كه‌وتووه ".
هه‌روه‌كو چۆن ئه‌ركى سه‌رشانى ووتاربێژه كه مافه‌كانى كاربه‌ده‌ستانى موسڵمان بۆ خه‌ڵكى ڕوون بكاته‌وه به‌وه‌ى كه ئه‌ركى موسڵمانانه كه به‌یعه‌ت و وه‌فایان بۆ پێشه‌وایانى خۆیان هه‌بێت له‌كاتى دیار و ئاشكرادا و گوێڕایه‌ڵیان بن له‌چاكه‌دا نه‌وه‌ك له خراپه وسه‌رپێچی خوادا، وه‌ڕێزیان لێ بگرن و ئامۆژگاریان بكه‌ن و حه‌زبكه‌ن چاك وچاكخواز بن و خه‌ڵكى له‌ده‌وریان كۆببنه‌وه ویه‌كڕیز ویه‌ك ده‌ست بن و ڕقیان له په‌رته‌وازه و پارچه‌پارچه‌یی و ده‌رچوون له‌سه‌ریان بێت و پشتگیرى ئه‌وانه‌ش نه‌كه‌ن كه‌له‌دژیان ده‌رده‌چن، جگه‌له‌مانه‌ش كه زانایانى ئه‌هلى سوننه‌و جه‌ماعه ڕوونیان كردۆته‌وه له‌سه‌رده‌مى سه‌له‌فی صالحه‌وه‌و له‌كتێبه‌كانیاندا تۆماركراوه.
شێخ : محمد بن زيد بن محمد المدخلي
لە ئیسلامدا ڕۆژى هەینى چ تایبەتمەندی و فەزڵێکى پێ دراوە؟ئایا نوێژى سوننەت هەیە لە پێش جومعە و دواى نوێژى جومعە؟ئایا ئەو كەسەى كە نوێژى هەینى دەكات نوێژى نیوەڕۆیش دەكات؟ئایا جومعە یەك بانگی هەیە یان دوو بانگ؟ وه ئایا دوو ڕكاتی سوننەت لە پێش جومعەوە هەیە؟حوكمى دەست بەرزكردنەوە لەكاتى ووتارى ئیمامدا لە رۆژى هەینى
