واجب ئەوەیە لەسەر ئەو كەسەى نیەتى حەج یان عومرەى هەیە میقات تێ نەپەڕێنێت هەتا ئیحرام نەپۆشێت، چونكە پێغەمبەرى خوا ـ ﷺ ـ  فەرموویەتى: ((يهل أهل المدينة من ذي الحليفة….))⁽¹⁾ واتە: خەڵكى مەدینە لە میقاتى ذي الحليفة دەنگ بەرز دەكەنەوە بە تەلبیە وتن. جا وشەى: (یهل) خەبەرە بە ماناى ئەمر، بۆیە واجبە لەسەر ئەو كەسەى كە نیەتى حەج یان عومرەى هەیەكە گەیشتە میقات تەلبیە بكات و تێی نەپەڕێنێت، و ئەگەریش تێی پەڕاند ئەوا واجب دەبێت لەسەرى كە بگەڕێتەوە و لەوێدا ئیحرام بكات و ئەگەریش گەڕایەوە وئیحرامى بەست ئەوا فیدیەى لەسەر نییە، بەڵام ئەگەر نەگەڕایەوە وهەرلەو شوێنەى خۆیدا ئیحرامى بەست ئەوا فیدیەى لەسەرە لاى ئەهلى عیلم كە دەبێت سەری ببڕێت و بەسەر هەژارانى مەككەدا دابەشی بكات.

سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -