حاڵی پێغەمبەرمان صلى الله علیه وسلم چۆن بووە لە ڕەمەزاندا؟: ماڵپەڕی وەڵامەکان
حاڵی پێغەمبەرمان صلى الله علیه وسلم چۆن بووە لە ڕەمەزاندا؟
پرسیار:

حاڵی پێغەمبەرمان چۆن بووە لە ڕەمەزاندا؟

بسم الله الرحمن الرحیم
سوپاس و ستایش بۆ خواى گەورە ، وە درودو سڵاو لە سەر گیانى پێغەمبەرى خوا ، وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
١. پێغەمبەری خوا مانگی ڕەمەزانی خۆشویستووە، و خۆشحاڵ بووە بەهاتنی و تایبەتی كردووە بەئەنجامدانی چەند عیبادەتێك كە لەكات و مانگەكانی تردا نەیدەكرد.
٢.پێغەمبەری خوا لەكاتی بینینی مانگدا دوعای دەكرد و دەیفەرموو: الله أكبر، اللهم أهله علینا بالأمن والإیمان.والسلامة وإلإسلام والتوفیق لما تحب وترضی.
٣. مژدەی هاتنی ئەم مانگەی دەدا بە هاوەڵانی و وەسفی دەكرد بۆیان وهانی دەدان بە ئەنجامدانی عیبادەت و دووركەوتنەوە لە تاوان و حەرامكراوەكان.
٤. حوكمەكانی تایبەت بەڕەمەزانی بۆیان ڕوون دەكردەوە و فێری دەكردن و وەڵامی پرسیارەكانیانی دەدایەوە.
٥. ڕۆژەكانی بەڕۆژوو دەبوو، وە شەوەكانیشی شەونوێژی دەكرد و هەندێك لەشەوەكانی بەكۆمەڵ دەكرد.
٦. لەگەڵ جبریلدا (علیه السلام) دیراسەی قورئانی دەكردەوە.
٧. لە مانگی ڕەمەزاندا زیاتر بەخشندەتر بوو بە بەخشینی ماڵ و چاكە و زانست و كات بۆ خەڵكی.
٨. كاتی فتار و ڕۆژووشكاندنی پەلەبوو بەبێ دواكەوتن و كاتی پارشێوكردنیشی دوادەخست.
٩.لەكاتی خۆیدا ڕۆژووی دەشكاند و پاشان نوێژی مەغریبی بەكۆمەڵ لە مزگەوت دەكرد.
١٠. لەكاتی ڕۆژووشكاندنیدا دوعای دەكرد و دەیفەرموو: ذهب الظمأ وابتلت العروق و ثبت الأجر إن شاءالله. اللهم إني أسألك برحمتك التي وسعت كل شیء أن تغفر لي.
١١. بەچەند دانە خورمایەك پارشێوی دەكرد.
١٢. حەزی دەكرد بەچەند دانە خورمایەكی شل (رتاب) ڕۆژوو بشكێنێت، ئەگەر نەبوایە ئەوا بەخورمای وشك، ئەگەریش نەبوایە ئەوا بەئاو.
١٣. زێدەڕۆیی و زێدەخۆری نەدەكرد لە خواردن و خواردنەوەدا.
١٤. لە دە شەوی كۆتاییدا ئیعتیكافی دەكرد. واتە لە مزگەوت دەمایەوە بۆ خواپەرستی.
١٥.بە دوای شەوی قەدردا دەگەڕا. لە دەشەوی كۆتاییدا.
١٦. ئەگەر جیهاد بهاتایەتە پێشەوە دەردەچوو بۆ جیهاد.
١٧. ئەگەر كردەوەی ڕەمەزانی لەدەست بچوایە ئەوا لەساڵی ئایندەدا قەرەبووی دەكردەوە.
١٨. لە ڕەمەزاندا سووربوو لەسەر چەند بارەكردنەوەی كردەوە لەگەل هەڵكشانی تەمەنیدا.
١٩. ڕۆژوو ڕێگرنەبوو لە ماچكردنی خێزانەكانی بەڵام خۆڕاگربوو.
٢٠. ڕۆژوو ڕێگر نەبوو لە ئەنجامدانی كەڵەشاخ.
٢١. لەسەفەریشدا ڕۆژووی دەگرت و جاری واش هەبوو بەگوێرەی توانای خۆی بەڕۆژوو نەبوو لەگەڵ ئەوانەی لەگەڵیدان.
٢٢. ئەگەر دە شەوی كۆتایی بهاتایە ئەوا ئەوەندە هەوڵ و تێكۆشانی دەكرد كە لە ڕۆژەكانی تردا نەیدەكرد و شەوەكانی زیندوو دەكردەوە و خێزانەكانیشی بەخەبەر دەهێنا.
ئەوانەی كە باسكران سوننەت و ئاكاری پێغەمبەربوون لە ڕەمەزاندا.... داواكارین لە خوای گەورە كە ڕێنمووییمان بكات بۆ ئەنجامدانیان.

سەردان: ٨٧ بەش: پێغەمبەری خودا