پێغەمبەری خوا ﷺ دەفەرمووێت: (إنَّما بعثتُ لأتمِّمَ مَكارِمَ الأخلاقِ) بەڕاستی من نێردراوم بۆ ئەوەی ڕەوشتە جوانەکان تەواو بکەم. 

ئەمانەى خوارەوە هەندێکە لە فەزڵ و پاداشتى ڕەوشت و ئەخلاق جوانى : 

یەک ەم: ڕەوشت جوانی یەکێکە لە هۆکارەکانی چوونە بەهەشت:
پرسیار کراوە لە پێغەمبەری خوا ﷺ چ شتێک زۆرترین خەڵک ئەباتە بەهەشتەوە؟ یان چ شتێک ئەبێتە هۆی ئەوەی کە خەڵک بباتە بەهەشتەوە بەزۆری؟ ئەویش فەرمووی: تەقوای خوا و ڕەوشت جوانی. 

دووەم: ڕەوشت جوانی هۆکارێکە بۆ ئەوەی ببین بە یەکێک لەو کەسانەی کە خوا خۆشی دەوێن. 
پێغەمبەری خوا ﷺ فەرمویەتى : (أحب عباد الله إلى الله أحسنهم خلقًا  )

سێ یەم: ڕەوشت جوانی هۆکارێکە بۆ ئەوەی ببین بە یەکێک لەو کەسانەی کە پێغەمبەری خوا ﷺ خۆشی دەوێن. 
پێغەمبەری خوا ﷺ فەرمویەتى : (إنَّ من أحبكم إليَّ وأقربكم مني مجلسًا يوم القيامة أحاسنكم أخلاقًا  )

چوارەم: ڕەوشت جوانی قورسترین شتە لەسەر تەرازوو. 
پێغەمبەری خوا ﷺ فەرمویەتى : (ما من شيء في الميزان أثقل من حسن الخلق  )

پێنجەم: ڕەوشت جوانی تەمەن زیاد دەکات و بەرەکەتی تێدەکات و پیرۆزی دەکات. 
پێغەمبەری خوا ﷺ فەرمویەتى : (حسن الخلق وحسن الجوار يعمران الديار ويزيدان في الأعمار  )

شەشەم: ڕەوشت جوانی پاداشتەکانی چەند جارە و چەند قات ئەکاتەوە. 
پێغەمبەری خوا ﷺ فەرمویەتى : (إن الرجل ليدرك بحسن خلقه درجات قائم الليل صائم النهار  )

حەوتەم: ڕەوشت جوانی نیشانە و ئاماژەیە یاخود بەڵگەیە لەسەر تەواوێتی ئیمان و باوەڕی کەسێک. 
پێغەمبەری خوا ﷺ فەرمویەتى : (أكمل المؤمنين إيمانًا أحسنهم خلقًا)

هەشتەم: ڕەوشت جوانی یەکێکە لە خێرترین و باشترین کارەکان و عیبادەتەکان.
پێغەمبەری خوا ئامۆژگارى ئەبو زەڕی کرد و فەرمووی  :  (عليك بحسن الخلق، وطول الصمت، فو الذي نفس محمد بيده، ما عمل الخلائق بمثلهما)