ئەگەر ئافرەت لەدواى هاتنى كاتى نوێژێك كەوتە حەیزەوە وەكو ئەوەى دواى نیو كاتژمێر لە پاش لاربوونەوەى خۆر لەناوەڕاستى ئاسمان كەوتە حەیزەوە ئەوا هەركاتێك پاك بوویەوە ئەو نوێژە بەقەزا دەداتەوە لەبەر ئەم ئایەتە: ( إِنَّ الصَّلاةَ كَانَتْ عَلَى الْمُؤْمِنِينَ كِتَاباً مَوْقُوتاً)(النساء: من الآية103) واتە: نوێژ لەچەند كاتێكى دیارى كراودا پێویست كراوون (واجب كراون) لەسەر باوەڕداران لە شەرعدا. بەڵام قەزاى نوێژ ناكاتەوە لەبرى ئەو كاتەى كە لە حەیزدا بووە لەبەر ئەو فەرموودە درێژەى كە تێیدا هاتووە: ((أليست إذا حاضت لم تصل ولم تصم؟))^(٢)واتە: ئایا ئافرەت كە بكەوێتە حەیزەوە ئەوە نییە كە نوێژ ناكات و رۆژو ناگرێت.

وە زانایان یەكدەنگن لەسەر ئەوەى كە ئافرەت نوێژ قەزا ناكاتەوە لەبرى ئەو كاتەى كە لە حەیزدا بووە.

بەڵام ئەگەر پاك بوویەوە و كاتى نوێژێك مابوو تەنانەت بە ئەندازەى ڕكعاتێكیش ئەوا ئەو نوێژە دەكات لەبەر فەرموودەى: ((من أدرك ركعة من العصر قبل أن تغرب الشمس فقد أدرك العصر))^(٢) .  واتە: هەركەس بگات بەیەك ركعاتی عەسردا پێش ئەوەى خۆرئاوابێت ئەوا گەیشتووە بە عەسر. یاخود بگات بەیەك ركعاتدا پێش دەرچوونى خۆر بەهەمان شێوە نوێژى بەیانى دەكات. ( واتە بە ئەندازەى یەك ركعاتى مابێت بۆ ئاوابوونى خۆر ئەوا نوێژى عەسر دەكات و بەئەندازەى یەك ركعاتیشی مابێت بۆ خۆر هەڵاتن ئەوا نوێژى بەیانى دەكات ).

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –