وتەى دروست و تەواو لەم بابەتەدا ئەوەیە كە میزى منداڵى نێرى بچووك كە شیرەخۆرە ئەوەیە كە كەمتر پیسە، و ئەوەندە بەسە كە ئاوپرژێن بكرێت بۆ پاكبوونەوە، واتە ئاوى بەسەردا بكرێت هەتا هەموو شوێنەكە دەگرێتەوە بەبێ دەست پێدا هێنان و گوشاردن، ئەوەش لەبەر ئەوەى سابت بووە لە پێغەمبەرى خواوە ﷺ كوڕێكى منداڵیان بۆلا هێناوە و ئەویش لە باوەشی دایناوە و میزى پێدا كردووە، ئەویش داواى ئاوى كردووە و كردوویەتى بە شوێنەكەیدا و ئیتر نەیشۆردووە^(١)، بەڵام سەبارەت بە منداڵى كچ ئەوا دەبێت میزەكەى بشۆررێت، چونكە لە بنچینەدا وەهایە كە میز پیسە و دەبێت بشۆررێت بەڵام منداڵى كوڕى بچووك لەو حوكمە دەركراوە لەبەر بەڵگەى سوننەت لەسەرى.

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -