ئەگەر كەسێك حەجى قارن بكات ئەوا تەواف و سەعى حەجى بەسە لەبرى حەج و عومرە پێكەوە، بەو شێوەیە تەوافی قدوم دەبێتە سوننەت، جا ئەگەر بیەوێ دەتوانێ سەعى پێش دەخات لە دواى تەوافی قدومەوە وەكو پێغەمبەرى خوا ـ ﷺ ـ  واى كردووە، وە ئەگەریش بیەوێ دواى دەخات بۆ رۆژى جەژن و لەدواى تەوافی ئیفازە، بەڵام پێش خستنەكەى باشترە لەبەر كردارى پێغەمبەرى خوا ـ ﷺ ـ  كە واى كردووە، جا كە رۆژى جەژن هات ئەوا تەنها تەوافی ئیفازە دەكــات. وە سەعى ناكات چونكە پێشتر سەعى كردووە، وە بەڵگەش لەسەر ئەوەى كە یەك تەواف وسەعى بەسن بۆ حەج و عومرە، فەرموودەى پێغەمبەرى خوایە ـ ﷺ ـ  كە بە عائیشەى فەرموو كە ئەو كات عائیشە حەجى قارنى دەكرد: (( طوافك بالبيت وبالصفا والمروة يسعكِ لحجكِ وعمرتك))⁽¹⁾ واتە: تەواف و سەعیەكەت لە صەفا ومەروە بەسە بۆ حەج و عومرەكەتیش. دەبینى لەم فەرموودەیەدا پێغەمبەرى خوا ـ ﷺ ـ  ئەوەى ڕوون كردۆتەوە كە تەواف وسەعى قارن بەسە بۆ حەج و عومرە پێــكەوە.

 سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -