بسم الله الرحمن الرحیم
سوپاس و ستایش بۆ خواى گەورە ، وە درودو سڵاو لە سەر گیانى پێغەمبەرى خوا ، وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
دروست نىیه گۆشتی قوربانی هه‌ڵبگیرێت زیاتر له سێ ڕۆژ ئه‌گه‌ر گرانی ڕووی كرده خه‌ڵك و به‌شێكی كه‌میان قوربانیان كرد و زۆرینه‌یان كه‌م ده‌ست و هه‌ژار و بێنه‌وا و موحتاج بوون ، بۆ ئه‌وه‌ی ئه‌وانه‌ی توانایان هه‌یه قوربانی بكه‌ن لـێی ببه‌خشن و دابه‌شی بكه‌ن به سه‌ر كه‌م ده‌ست و هه‌ژاراندا .
قال الإمام الشافعي رحمهُ الله : (فَإِذَا دَفَّتْ الدَّافَّةُ ثَبَتَ النَّهْي عَنْ إِمْسَاك لُحُوم الضَّحَايَا بَعْد ثَلَاثٍ ، وَإِنْ لَمْ تَدُفَّ دَافَّة فَالرُّخْصَة ثَابِتَةٌ بِالْأَكْلِ وَالتَّزَوُّد وَالِادِّخَار وَالصَّدَقَة) الفتح : (10 / 36) نقله الحافظ من " الرسالة " للإمام الشافعي.
واته : له كاتی پێویستیدا دروست نىیه گۆشتی قوربانی هه‌ڵبگیرێت زیاتر له سێ ڕۆژ ، به‌ڵام ئه‌گه‌ر خه‌ڵك موحتاج نه‌بوون ئه‌وا روخسه‌ت هه‌یه لـێی بخۆن و لـێی هه‌ڵبگرن و لـێی ببه‌خشن.
[ لە كتێبی (چۆنێتى قوربانى كردن لەسەر دەمى پێغەمبەردا ﷺ) وەرگیراوە لە نوسينی مامۆستا محمد عبدالرحمن]
قوربانى به چى دهكرێت و تهمهنى قوربانى ئەبێ چەند بێ؟ ئایا پیاو دەتوانێت مەڕێك یان بزنێك بكات بە قوربانى بۆ خاو خێزانى؟چ حهیوانێك چاكه بكرێته قوربانی ، وە ئایا حەیوانى خەسێنراو دروستە بۆ قوربانى ؟ئایا دروستە ئافرەت یان ئەو کەسەى قوربانى دەکات خۆی قوربانیەکە سه‌ر ببڕێت؟ئایا قوربانی بۆ مردوو دەكرێت؟
