بسم الله الرحمن الرحیم
سوپاس و ستایش بۆ خواى گەورە ، وە درودو سڵاو لە سەر گیانى پێغەمبەرى خوا ، وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
سوننه‌ته خاوه‌نی قوربانی خۆی هه‌ڵسێت به سه‌ربڕینی قوربانیه‌كه‌ی ئه‌گه‌ر تواناو شاره‌زایی هه‌بوو له‌سه‌ر ووڵاخ و ئاژه‌ڵ سه‌ربڕین چونكه پێغه‌مبه‌ر (ﷺ) خۆی قوربانی خۆی سه‌رده‌بڕی .
عَنْ أَنَسٍ (رضي الله عنه) قَالَ : ((ضَحَّى النَّبِيُّ (ﷺ) بِكَبْشَيْنِ أَمْلَحَيْنِ ، فَرَأَيْتُهُ وَاضِعَاً قَدَمَهُ عَلَى صِفَاحِهِمَا يُسَمِّي وَيُكَبِّرُ ، فَذَبَحَهُمَا بِيَدِهِ)) صحيح البخاري رقم : (5558) ، وصحيح مسلم رقم : (1966).
اته : پێغه‌مبه‌ر (ﷺ) دوو به‌رانی سپی و ڕه‌شی كرد به قوربانی ، جا بینیم پێى خستبووه سه‌ر لای ملی هه‌ردوكیان و ده‌یوت : (بِسْمِ اللَّهِ وَاللَّهُ أَكْبَر) ، ئه‌نجا به ده‌ستی خۆی هه‌ردووكیانی سه‌ربڕی .
وه دروسته ئافره‌تیش خۆی قوربانیه‌كه‌ی خۆی سه‌رببڕێت ئه‌گه‌ر توانا و شاره‌زایی هه‌بوو .
وه دروستیشه كه‌سێكی تر له جیاتی خاوه‌ن قوربانی قوربانىیه‌كه‌ی سه‌رببڕێت ئه‌گه‌ر خۆی سه‌ری نه‌بڕێت.
[ لە كتێبی (چۆنێتى قوربانى كردن لەسەر دەمى پێغەمبەردا ﷺ) وەرگیراوە لە نوسينی مامۆستا محمد عبدالرحمن]
ئایا قوربانی بۆ مردوو دەكرێت؟هەر خێزانێک قوربانى بکەن دەبێ هەمویان خۆیان بگرنەوە لە موو لێ کردنەوە یان تەنها سەرۆک خێزان؟ئایا ئەو ئافرەتەی کە شوی نەکردوە دەتوانێت قوربانی بۆ خۆی بکات؟چ حهیوانێك چاكه بكرێته قوربانی ، وە ئایا حەیوانى خەسێنراو دروستە بۆ قوربانى ؟دروست نییە قەصاب كرێی سەر بڕینەكەی لە قوربانییەكە پێ بدرێـت
