سەبارەت بە موسڵمانانى بۆرما ئەم پرسیارە لە شێخ سعد الشثري کراوە
ئه‌وه‌ی كه ڕووده‌دات له (بۆرما) له كۆمه‌ڵكوژی و كوشتنی به‌به‌رنامه ، به‌داخه‌وه كاره‌ساتێ گه‌وره له‌وێ هه‌یه ، بۆیه ده‌مانه‌وێ بزانین وته‌ی به‌ڕێزتان چیه ده‌رباره‌ی ئه‌و كاره‌ساته دڵته‌زێنه .
شێخ سعد الشثري لە وەڵامدا فه‌رمووی سەرخستنی موسڵمان بۆ برا موسڵمانەکانی یەکێکە لە واجبە شەرعیەکان ، وه واجبیش له‌م ڕوانگه‌یه‌وه هه‌ر كه‌سه‌و به‌پێی تواناو ده‌سه‌ڵاتی خۆی له‌سه‌ری جێبه‌جێ ده‌بێت .
ئه‌گه‌ر كه‌سێك عه‌وام و بێ ده‌سه‌ڵات و بێ توانابێت ئه‌وا پێویسته له‌سه‌ری دوعاو پاڕانه‌وه له‌خودای گه‌وره بكات تاوه‌كو په‌روه‌ردگار به‌هێزو توانای خۆی خوێن و ماڵیان پارێزراو بكات و له‌خراپه‌و شه‌ڕی دوژمنه‌كانیان بیان پارێزێت ، وه خوای گه‌وره برایه‌تی ته‌بایی و یه‌كڕیزی بخاته نێوانیانه‌وه بۆ ئه‌وه‌ی هه‌موویان هاوكاری یه‌كتربن تاوه‌كو كاروباری یه‌كتر ڕابپه‌ڕێنن و به‌سه‌ر دوژمنه‌كانیاندا زاڵ بن .
وه له‌سه‌ر زانایان و خاوه‌ن عیلم و خاوه‌ن ده‌زگای ڕاگه‌یاندنه‌كان واجبه به‌وه‌ی باسی حاڵی ئه‌وانه بكه‌ن و باسی خراپه‌و شه‌ڕو كوشتارو دزی و ئه‌تككردن و دەربەدەرکردن و زوڵمه‌كانی دوژمنه‌كانیشیان بكه‌ن تاوه‌كو خه‌ڵكی ئاشنابێ به‌وه‌ی چه‌نده خراپن ده‌رهه‌ق به‌و گه‌له موسوڵمانە.
هه‌روه‌ها هه‌ر كه‌سه‌و به‌پێی مه‌جال و پۆست و پله‌ی خۆی له‌سه‌ری واجبه سه‌رخه‌ری ئه‌و موسوڵمانانه بێت ، ئه‌گه‌ر كه‌سێكه له‌سه‌ر تۆڕه كۆمه‌ڵایه‌تی یه‌كانه ده‌بێت ده‌نگ و ڕه‌نگی ئه‌و موسوڵمانه چه‌وساوو ده‌ربه‌ده‌رانه بگه‌یه‌نێته هه‌موو جێگایه‌ك لەجیهان به‌هۆی ئینته‌رنێته‌كه‌یه‌وه تاوه‌كو خه‌ڵكی ئاگاداری حاڵیان بن و به‌هانایانه‌وه بچن و خوێن وماڵیان بپارێزن له‌و دوژمنانه.
به‌هه‌مان شێوه له‌سه‌ر سیاسه‌توان و به‌رپرس و ڕێكخراوه مرۆیی و نێو ده‌وڵه‌تیه‌كان واجبه به‌وه‌ی هه‌ركه‌سه‌و به‌پێی تواناو سنووری ده‌سه‌ڵاتی خۆی به‌هانای ئه‌و كه‌سانه بچێت و چیدی نه‌هێڵێت خوێنی موسوڵمانان له‌وه زیاتر بەناهەق بڕێژرێت و سه‌روه‌ت و سامان و ماڵیان به‌تاڵان ببرێت و له‌خاك وئاوی خۆیان وه‌ده‌ر بنرێن .
كه‌واته له‌سه‌ر تاك به‌تاكی ئه‌م ئوممه‌ته واجبه هه‌ر كه‌سه‌و به‌پێی تواناو مه‌نزیله‌ت و پله‌و پایه‌ی ، هه‌وڵی خۆی بخاته گه‌ڕ تاوەکو ئەو گەلە ڕزگاری بێت ، بۆیه داواكارین له‌خودای به‌رز خوێنیان بپارێزێت ، وه دووریان بخاته‌وه له‌شه‌ڕو خراپه‌ی دوژمنه‌كانیان ، ته‌بایی و یه‌كڕیزیش بخاته نێوانیانه‌وه دڵه‌كانیان پێكه‌وه كۆبكاته‌وه ، خودای به‌رز سه‌رخه‌رو پشتیوان و هاوكاریان بێت .
تەماشاى ئەمەش بکە
هه‌ڵوێستی موسڵمان سەبارەت به‌وه‌ی كه له(بۆرما) موسڵمانەکان دەکوژرێن
چارەسەرى وەسوەسەى شەیتانىبهڵگهكانى حهرامێتى ئاههنگێڕان به بۆنەى سەرى ساڵی زاینییەوە چین؟حوکمى خۆشۆردن لە شەواندا یان لە کاتى مەغریب دافەزڵی زستان و کاری چاکە کردن تیایدالە کاتى توڕە بوندا قسەى نەشیاو بەدەمدا دێ و پاشان کە کاتێ دێمەوە سەر خۆم پەشیمان دەبمەوە ئایا چی شتێک پێویستە ئەنجامى بدەم؟
