بەناوى خواى گەورە و میهرەبان

یەكێك لە ئادابەكانى دەست بە ئاو گەیاندن ئەوەیە لە شوێنێكدا ئەو كارەیە ئەنجام بدەیت كە جلوبەرگ و گیانت پیس نەبێت هەروەها بە پێوە میز كردن ئەگەر ببێتە مایەى پیسبوونى ئەوانە ئەوا دروست نییە جا میزكردن بە پێوە جوان نیە و پێچەوانەى ئاكارەكانە بەڵام ئەگەر بە پێوە بكرێت و لەش و جل و بەرگ پیس نەكات دروستە.
عائشە خواى لێ ڕازى بێ ئەفەرموێ: (من حدّثكم أن رسول الله ﷺ بال قائماً فلا تصدَّقوه ما كان يبول إلا جالساً) رواه الخمسة إلا أبو داود
واتە: هەر كەس پێى ووتن پێغەمبەرى خوا ﷺ بە پێوە میزى كردووە ئەوە باوەڕى پێ مەكەن چونكە پێغەمبەرى خوا ﷺ بە دانیشتنەوە هەمیەش میزى دەكرد. ئەمە سوننەتى بەردەوامى پێغەمبەرى خوایە ﷺ بەڵام دەبینى (حذيفة‌) خواى لێ ڕٍازى بێ ئەڵێ: (أن النبيّ ﷺ انتهى إلى سباطة قومٍ فبال قائماً فتنحيتُ عنه فقال أُدنه فدنوت حتى قمت عند عقبيه فتوضأ ومسح على خفيه) رواه الجماعة.
واتە: پێغەمبەرى خوا ﷺ ڕۆشتە سەر سەرانگوێلكەیەك بە پێوە میزى كرد منیش دوركەوتمەوە لێى فەرمووى نزیك بەرەوە نزیك بومەوە تا لە پشتیەوە وەستام جا دەستنوێژى كرد و مەسحى كرد لەسەر خوفەكانى.
ئەم فەرموودەیە بەڵگەى ئەوەى تێدایە كە جائیزە بەمەرجێك پارێزراو بێت لە پرش و پیس بوون.
بۆچوونى عائیشە لەسەر ئەوە بنیات نرابوو كە نەیبیستبوو بەڵام بینیبوى لە زانستدا بەوەى (حذيفة‌) كار دەكرێت كە جائیزە.

لە لایەن مامۆستا (خلیل أحمد)ەوە وەڵام دراوەتەوە