بەناوى خواى بەخشەندەو میهرەبان
پێویست بوو لە سەرت کە بانگەوازی بۆ بکەی، ئەگەر بۆ ماوەی ساڵێک بانگەوازت بۆ کرد، لە هەر مانگێک دوو جار تا سێ جار ( کێ ئەو بڕە پارەیەی ون کردووە؟ لە کام شوێن؟ )، کە دەبێت ئەو بانگەوازە لە شوێنی گشتی بێت یان لە ناو بازاڕ و بەر دەرگای مزگەوتەکان، ( یان لە رێگای دەزگاکانی ڕاگەیاندنەوە ) ، ئەگەر ساڵێکی تەواو تێپەڕی بە سەر بانگەوازەکەدا ، ئەوا حەڵاڵە بۆت و دەتوانی بۆ سوودی خۆت بەکاری بهێنیت، بەڵام هەركاتێک خاوەنەکەی بە ناونیشانی تەواو هاتەوە بۆ وەرگرتن ، دەبێت بۆی بگێڕیتەوە ، چونکە ئەو کاتە دەبێتە ئەمانەتێک لە گەردنی تۆدا، بەڵام ئەگەر هیچ بانگەوازت بۆ نەکردبێ و ئەو پارەیەت خەرج کردبێ بەبێ دەنگی، ئەوا دەبێت ئێستا ئەو بڕە پارەیە بكەیتە خێر و صەدەقە بە نیەتی خاوەن پارەکە، چونکە تۆ ڕێگاکانی حەڵاڵبوونی ئەو کارەت نەگرتووەتە بەر، کە بریتیە لە بانگەوازكردن، بەو شێوازەش خێر و پاداشتەکەی دەگاتەوە بە خاوەنەکەی بە ویستی خوای گەورە ....
وەڵای شێخ عبدالعزیز بن عبدالله بن باز رحمه الله