بەشەکان
ئامار
پرسیارەکان: ١٩٣٩ کۆی سەردان: ١١٤٥٣٨٣
پرسیار لەوێنەدا
ئایا ڕاستە دوعا و پاڕانەوە لەنێوان نیوەڕۆ و عەسردا لەڕۆژی چوارشەمماندا سوننەتە؟

سەبارەت بە دوعا و پاڕانەوە لەنێوان نیوەڕۆ و عەسردا لەڕۆژی چوارشەمماندا
جابری کوڕی عبدالله خوا لێی ڕازی بێت گێڕاویەتیەوە و دەڵێ : ( أَنَّ النَّبِيَّ صلى الله عليه وسلم دَعَا فِي مَسْجِدِ الْفَتْحِ ثَلاثًا يَوْمَ الاثْنَيْنِ وَيَوْمَ الثُّلاثَاءِ وَيَوْمَ الأربعاء فَاسْتُجِيبَ لَهُ يَوْمَ الأربعاء بَيْنَ الصّلاتَيْنِ فَعُرِفَ الْبِشْرُ فِي وَجْهِهِ، قَالَ جَابِرٌ: "فَلَمْ يَنْزِلْ بِي أَمْرٌ مُهِمٌّ غَلِيظٌ إِلا تَوَخَّيْتُ تِلْكَ السَّاعَةَ فَأَدْعُو فِيهَا فَأَعْرِفُ الإجابة").
حسنه الألباني في صحيح الأدب المفرد (1/ 246).
واتە : پێغەمبەرى خوا صلى الله عليه وسلم لەمزگەوتی (الْفَتْح) دا ، سێ ڕۆژ پاڕایەوە ، ڕۆژی دوو شەممە و ڕۆژی سێ شەممە ، ڕۆژی چوار شەممە ، لە ڕۆژی چوار شەممەدا وەڵامی پاڕانەوەکەی درایەوە لەنێوان نوێژی نیوەڕۆ و عەسردا ، لەدەم و چاویدا دڵ خۆشی بەدی دەکرا ، جابر دەڵێ : توشی هیچ موسیبەتێک وناخۆشیەک نەدەبووم ئیلا ئەو سەعاتەم هەڵدەبژارد و تیایدا دەپاڕامەوە ، هەستم دەکرد وەڵامم دەدرایەوە .

شێخ الألباني رحمه الله دەڵێت :
گەر هاوەڵی پێغەمبەر صلى الله عليه وسلم پێمانی ڕانەگەیاندایه کە ڕۆژی چوارشەم مەبەست بووە ، و کەسێک ئامادە بێت شتێک دەبینێت کە کەسی غائب نایبینێت ، وە هەواڵ وەک ئەوە نی یە بەچاو ببینرێت ، خۆ ئەگەر ئەو هاوەڵە هەواڵی پێمان نەدایە ، ئەوا دەمان گوت : ئەوا بۆ پێغەمبەرى خوا صلى الله عليه وسلم ڕێک کەوتووە و لەو کاتەدا و لەو ڕۆژەدا پاڕاوەتەوەو وەڵامی درواتەوە .
بەڵام ئەو هاوەڵە بەڕێزە کاری بەو (کات و ڕۆژە) دەکرد کە لە پێغەمبەرەوە صلى الله عليه وسلم بینی بووی و وەڵامی دەدرایەوە .
کەواتە ئەمە شتێکە لێی تێگەیشتووین بەهۆی ئەو هاوەڵەوە ، و ئەم کارە سونەتێکی تەعەبودییە و لەخۆوە نەکراوە .

هەروەها شيخ الإسلام ابن تيمية رحمه الله دەڵێت:
کۆمەڵێک لەهاوەڵانی مەزهەبی ئێمە و جگە لەوانیش کار بەم فەرموودەیە دەکەن ، لەو کاتەدا دەپاڕێنەوە ، هەروەک لەجابرەوە گێڕدراوەتەوە ، بەڵام لەجابرەوە نە گێڕدراوەتەوە ئەو جێگایەی هەڵبژاردبێت بۆ پاڕانەوە ، واتە (ئەوشوێنەی کە پێغەمبەر صلى الله عليه وسلم تیایدا پاڕایەوە) ، بەڵکو کاتەکەی هەڵدەبژارد بۆ پاڕانەوە. اقتضاء الصراط (1 / 433).

وەئیمامی البيهقي رحمه الله دەڵێت :
ئەو کات و حاڵەت و جێگایانە هەڵدەبژێردرێت بۆ پاڕانەوە کە ئومێدی وەڵامدانەوەی تێدا زیاترە ، وەبەنیسبەت کاتەوە : یەکێک لەوانە : پاڕانەوە لەنێوان نیوەڕۆ و عەسردا لەڕۆژی چوارشەمماندا .شعب الإيمان (2 / 46).

وە ئیمامی القرطبي - رحمه الله - دەڵێت : (پاڕانەوە چەند کات و حاڵەت و جێگای هەیە کەزۆر جار ئومێدی وەڵامدانەوەی تێدا زیاترە ، وەک : کاتى سەحەر و کاتی ڕۆژو شکاندن ، ونێوان بانگ و قامەت ، ونێوان نیوەڕۆ و عەسر لەڕۆژی چوارشەمماندا، وکاتی ناخۆشی ، ولەسەفەر و کاتی نەخۆشی ، ولەکاتی بارینی باراندا و ڕیز بوون لەجیهادا لەپێناوی خوادا . هەموو ئەمانە لەئەسەردا هاتوون ) . الجامع لأحكام القرآن تفسير سورة البقرة الآية (186).



سەردان: ٩٨٦ بەش: دوعا و پاڕانه‌وه‌

کەسى بە ڕۆژوو گەر خۆری لێ ئاوا بوو بەڵام هیچ شتێکی دەست نەکەوت ڕۆژووەکەی پێ بشکێنێت چی بکات؟ئایا هەرکەسێ لە کاتى سوجدەدا لوتى یان سنگى پێى لە زەوى نەدا نوێژەکەى دروستە؟