ئەو شتانەی کەسود بەخشن و باش وایە ڕۆژوەوان ئەنجامی بدات لەڕۆژدا زۆر زۆرن ، لەوانە :
خوێندنی قورئان بەتێفکرین وبیر لێکردنەوەوە ، وزۆر ئەنجام دانی نوێژی سوننەت جگە لەو کاتانەی کەنوێژ کردن تیایدا دروست نی یە ، وەهەروها چوون بۆ مزگەوت ودانیشتن تیایدا ؛ چونکە ئەوە جۆرێکە لەئیعتیکاف ومانەوە لەمزگەوتدا ، بێگومان مانەوە لەمزگەوتدا لەڕەمەزاندا وخوێندنی قورئان تیایدا یەکێکە لەباشترین کردەوەکان ، سەلەف کاتێ بەڕۆژو بوونایە لەمزگەوتدا دەمانەوە ودەیان گوت : ڕۆژوەکەمان دەپارێزین وغەیبەتی کەس ناکەین ، بۆیە باش وایە کەسی ڕۆژوەوان زۆربەی کاتەکانی لەمزگەوتدا بەسەر ببات ؛ چونکە خێرێکی زۆری تێدایە وئاوەدان کردنەوەی ماڵی خودایە .
وەهەروەها پێویستە کاری خێر زۆر ئەنجام بدات وچاک بێت لەگەڵ هەژاراندا ، بێگومان خێر وسەدەقە کردن لەو مانگەدا خێری زۆر ترە لەمانگەکانی تر بەتایبەت گەر خێرەکە لەکاتی پێویست وبرسێتیدا بکات ، بێگومان خێر کردن لەو مانگەدا یارمەتی ڕۆژەوان دەدات لەسەر ڕۆژووەکەی پێغەمبەر ﷺ فەرموویەتی : (من فطر صائمًا فله مثل أجره من غير أن ينقص ذلك من أجره شيئًا) [رواه الإمام أحمد في مسنده ج4 ص114، 115 بنحوه. ورواه الترمذي في سننه ج3 ص149 بنحوه. ورواه ابن ماجه في سننه ج1 ص555 بنحوه. كلهم من حديث زيد بن خالد الجهني رضي الله عنه].
واتە : هەرکەسێک خواردن بدات بەڕۆژوەوانێک وڕۆژووەکەی پێ بشکێنێت ئەوا وەک ئەو خێری بۆ دەنوسرێت بەبێ ئەوەی خێری ئەویش کەم ببێتەوە .
ئایەگوناهی دەگاتێ ئەو کەسەی لە رەمەزان نان و ئاو دەدات بەکەسێ بەرۆژو نە بێ وەبۆ خۆی بەرۆژویە؟ لە ڕەمەزاندا كە تووشی (حەیز) بوم و ڕۆژووم شكاند ، بەڵام ئەوە سێ ساڵە هێشتا قەزام نەکردۆتەوە ئایا چیم لەسەرە؟ئەگەر لە كاتى بەڕۆژوو بووندا لەخەودا ئاوم هاتە خوارەوە من چى بكەم؟ ئافرەت چۆن دەتوانی سود له کاتەکانی خۆی وەربگرێ لەو کاتەی کە خواردن ئامادە دەکات لە مانگی ڕەمەزاندا؟ئەگەر كەسێك بەبێ عوزر بەڕۆژوو نەبێت سزای ئەو كەسانە لای خوای گەورە چی یە؟ 
