کات بریتی یە لەتەمەنی مرۆڤ ، وەبەنرخترین سەرمایەیە کەپێویستە دەستی پێوە بگیردرێت ، و لەشتانێکدا بەکار بهێندرێت کە خودا پێی ڕازیە  .

گەر تۆ دەتەوێ سود لە کاتەکانت ببینى گەرچی کەمیش بێ ئەوا بێگومان دەتوانى لە تەنها دەقەیەکى تەمەنت کارێکی خێری زۆری تێدا ئەنجام بدەیت ، بۆ نموونە :  

1-   لەیەک دەقەدا دەتوانیت سێ جار ( سورة الفاتحة ) بخوێنیت ، وهەندێ کەس چاکەکانی خوێندنی فاتیحایان ژماردووە بۆیان دەرکەوتووە زیاترە لە  (600) چاکە ، خۆ ئەگەر  (3) جار بیخوێنیت ئەوا پشت بەخوا زیاتر لە (1800) چاکەت بۆ دەنوسرێت ، ئەمە لەهەموو دەقەیەکدا . 

2-     لەیەک دەقەدا دەتوانیت بیست جار (سورة الإخلاص ) ( قل هو الله أحد ) بخوێنیت ، خوێندنی یەک جاری ئەم سوڕەتە بەقەد سێ یەکی قورئانە ، خۆ ئەگەر (20) جار بیخوێنیت ئەوا وەک ئەوە وایە (7) جار قورئانت خوێندبێت ، و ئەگەر هەموو ڕۆژێک لەدەقەیەکدا (20) جار بیخوێنیت ئەوا لەمانگێکدا (600) جار دەکات ، ولەساڵێکدا دەکاتە (7200) جار ، کەئەمە لەپاداشتدا خێری (2400) جار خوێندنی قورئانی هەیە . 

3- دەتوانیت لەیەک دەقەدا لاپەڕەیەک لەقورئان بخوێنیت . 

4-  دەتوانیت لەیەک دەقەدا ئایەتێکی کورت لەقورئان لەبەر بکەیت . 

5- دەتوانیت لەیەک دەقەدا بیست جار بڵێیت  : (لا إله إلا الله وحده لا شريك له الملك وله الحمد وهو على کل شيء قدیر) ، وپاداشتەکەی وەک ئازاد کردنی (8) بەندەیە لەنەوەکانی ئیسماعیل لەپێناوی خودادا .

6- دەتوانیت لەیەک دەقەدا سەد جار بڵێیت ( سبحان الله وبحمده ) ، و هەر کەسێک ئەوە بڵێت لەڕۆژێکدا خودا لەتاوانەکانی خۆش دەبێت هەر چەند بەقەد کەفی دەریاش بێت .

7- دەتوانیت لەیەک دەقەدا پەنجا جار بڵێیت(سبحان الله وبحمده سبحان الله العظيم) ، کەئەم دوو کەلیمەیە سوکن لەسەر زمان وقورسن لەتەرازووی چاکەکاندا ، وخۆشەویستن بەلای خوداوە ، هەروەک لە ( البخاري ومسلم )دا، هاتووە . 

8- پێغەمبەر ﷺ فەرموویەتی : ( لأن أقول : سبحان الله ، والحمد لله ، ولا إله إلا الله ، والله أكبر أحب إلي مما طلعت عليه الشمس ) رواه مسلم ، 
واتە : گەر بڵێم : (سبحان الله ، والحمد لله ، ولا إله إلا الله ، والله أكبر) ئەوا لەلام خۆشەویسترە لەوەی کەخۆر بەسەیریدا هەڵدێ .
جا لەیەک دەقەدا دەتوانیت زیاد لە(18) جار ئەم زیکرە بکرێت ، وئەم کەلیماتانە خۆشەویسترین کەلیمەن بەلای خوداوە ، وباشترین کەلیمەن ، و وەزنیان قورسە لەتەرازووی چاکەدا هەروەک لەفەرموودەی صەحیح دا هاتووە .

9- لەیەک دەقەدا دەتوانیت زیاتر لە چل جار  بڵێیت  : (لا حول ولا قوة إلا بالله) ، که کەنزێکە لەکەنزەکانی بەهەشت هەروەک لە صەحیحی البخاري ومسلم دا هاتووە کەئەم زیکرە دەبێته هۆکاری تەحەمول کردنی ناحۆشیەکان .

10-  لەیەک دەقەدا دەتوانیت زیاتر لە پەنجا جار  بڵێیت : ( لا إله إلا الله ) کە گەورەترین کەلیمەیە ، و کەلیمەی تەوحید ویەکتاپەرستی یە ، وە هەرکەسێک کۆتا کەلیمەی ئەم کەلیمەیە بێت دەچێتە بەهەشتەوە وچەندان فەزڵ وڕێزی تری هەیە . 

11- لەیەک دەقەدا دەتوانیت زیاتر لە سەد جار  ( ٲستغفر الله) بکەیت ، وفەزڵ وڕێزی ( أستغفر الله) لای کەس شاراوە نی یە ، کەهۆکاری لێ خۆش بوون ، وچوونە بەهەشت ، ولابردنی بەڵایە ، وئاسان کاری لەکاروباری ژیاندا ، وبارینی باران وزۆر بوونی ماڵ و منداڵ  . 

12- لەیەک دەقەدا دەتوانیت پەنجا جار سەڵاوات بدەیت لەسەر پێغەمبەر ﷺ ، وەلەبەرانبەردا خودا  (500) جار سەڵاواتت لەسەر دەدات چونکە چاکە یەک بەدەیە . 

13- لەیەک دەقەدا دەتوانیت  شوکری خودا بکەیت لەکاتێکدا لەسەر جێگاکەی خۆت ڕاکشابێتی یاخود بەڕێگادا بڕۆیت . 

14-وە هەر لەیەک دەقەدا دەتوانیت دوو لاپەڕە لەکتابێکی بەسوود بخوێنیتەوە  . 

15-  وە هەر لەیەک دەقەدا دەتوانیت بەتەلەفۆن سیلەی ڕەحم بەجێ بگەیەنیت    .

16-  وە هەر لەیەک دەقەدا دەتوانیت دەستەکانت بەرز بکەیتەوە وبپاڕێیتەوە بەو پاڕانەوانەی کە گشتگیرن . 

17- وە هەر لەیەک دەقەدا دەتوانیت ڕێگری بکەیت لەخراپەیەک  . 

18- وە هەر لەیەک دەقەدا دەتوانیت فەرمان بکەیت بەچاکەیەک . 

19-   وە هەر لەیەک دەقەدا دەتوانیت ئامۆژگاری برایەکت بکەیت   . 

20- وە هەر لەیەک دەقەدا دەتوانیت دڵی کەسێکی غەمبار بدەیتەوە . 

21- وە هەر لەیەک دەقەدا دەتوانیت دارێک یان بەردێک لەڕێگادا لاببەیت  . 

لەکۆتایدا بەئەندازەی دڵسۆزی و هەست کردن بە چاودێری خودا پاداشتت گەورە دەبێت وچاکەکانت زیاد دەبێت . 

وە بزانە زۆربەی ئەم کردەوانە هیچ شتێکت لەسەر ناکەوێت وکاتێکی زۆری ناوێت ، وپێویست ناکات دەست نوێژی بۆ بگریت ، وخۆتی بۆ هیلاک بکەیت ، بەڵکو دەتوانیت لەهەر حاڵ وبارێکدا بیت ئەنجامیان بدەیت .

وە ئەم کردەوانە دەبنە هۆکاری خۆش گوزەرانی ، و دڵ فراوانی ، ونەمانی غەم و خەفەت  .

وفقنا الله وإياكم لما يحبه ويرضاه وصلى الله على سيدنا محمد .