سڵاوی خوات لێ بێت مامۆستایانی بەڕێز ، تاوانی منداڵ چیە كە لەدایك بێت لە شوێنێكی ئەم زەویەدا كە دینی ئیسلامی تیانەبێت و هەرنەشی بیستبێت ، ئێ كە مرد كافرە یان موسوڵمان تكایە بەبەڵگەوە.
سڵاوی خوای گەورە لە بەڕێزیشت بێت
منداڵ هیچ تاوانی نییە ئەگەر لە كۆمەڵگایەكی موسوڵمان یان نا موسوڵمان بێتە دونیاوە ، و ئەگەر مرد بە منداڵی ئێمە ناتوانین حوكمیان بەسەردا بدەین نە بۆ بەهەشت نە بۆ دۆزەخ ، چونكە خوا دەزانێ ئەگەر لە دونیادا بونایە چ كارێكیان دەكرد چاك یان خراپ ، جا باشترین وەڵام لە منداڵانی موشریكەكاندا وەك ابن تیمیە –رحمە الله- باسیكردووە ئەوەیە كە پێغەمبەری خوا ﷺ لە بوخاری و موسلیم دا فەرموویەتی : (ما من مولود الا يولد على الفطرة ....) الحديث . قيل يارسول الله أرأيت من يموت من اطفال المشركين وهو صغير قال اللهم أعلم بما كانو عاملين ) .
وە ڕیوایەت كراوە كە پێغەمبەری خوا ﷺ فەرموویەتی : (انهم يوم القيامة يمتحنون في عرصات القيامة فمن أطاع الله حينئذ دخل الجنة ومن عصى دخل النار)
واتە : منداڵانی موشریكەكان لە قیامەتدا تاقی دەكرێنەوە لە گۆڕەپانی حەشردا لە قیامەت هەركەسیان گوێڕایەڵی خوا بكەن ئەو كاتە دەچنە بەهەشتەوە ، وە هەركەسیان سەرپێچی خوا بكەن دەچنە ئاگرەوە ئەم ڕایە ڕای پەسەند كراوە لای ئەهلی سوننەت وە چەندین ڕاو بۆ چوونی تریش هەیە .
بڕوانە مجموع الفتاوی شێخی ئیسلام ابن تیمیە ج 4 ل 300-322
مامۆستا خلیل أحمد کەلاری
ئایا ئەگەر مردوو نەنێژرێ و دڕندە بیخوات ئایا سزای گۆڕ دەبینێ و دەدرێت؟ئایا ڕاستە كە مەهدی چاوەڕوانكراو (المهدي المنتظر)پێش هاتنی قیامەت دەردەچێت؟ئایا لە قیامەتدا حاڵى موسڵمانێک چۆنە کە لە دنیادا تاوانى زۆرى ئەنجام دابێت؟مهبهست له تاقیكردنهوهى ناو گۆڕ چیه، وه بهڵگه چیه لهسهر خۆشی و ناخۆشی ناو گۆڕ؟چۆن پێغەمبەری خوا صلى الله علیه وسلم حاڵ و باری بەهەشتیەكان و دۆزەخیەکانىی بینیوە لەكاتێكدا هێشتا قیامەت بەرپانەبووە؟
