ئایا ئەو کارانەی دروستن سەبارەت بە گۆڕ کامانەن؟ ڕاستە دەبێ گۆڕی ئافرەت قوڵتر بێ لە هی پیاو؟
بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
یەکەم: بەرز کردنەوەی گۆڕ زیاتر لە ئەرز :
باش وایە گۆڕ بەئەندازەی بستێک لەئەرز بەرز بکرێتەوە ، ئەوەش بەکۆدەنگی هەر چوار مەزهەبە فیقهیەکە.
دووەم: بەرز کردنەوە گۆڕ :
بەرز کردنەوە گۆڕ باشترە لەتەخت کردنی ، ئەوەش مەزهەبی جمهوری زانایانە لە: حەنەفی ، ومالکی ، وحەنبەلیەکان ، وبۆچوونێکە لای شافعیەکان .
تێبینی: کاتێک دەڵێین : گۆڕ بەرز بکرێتەوە مەبەستمان ئەوەیه: گۆڕەکە هاوشێوەی پشتی وشتری لێ بکرێت ، نەک تەخت بکرێ
سێیەم: قوڵ کردنی گۆڕ :
باش وایە گۆڕ قوڵ بکرێت ، ئەوەش مەزهەبی جمهوری زانایانە لە: حەنەفی ، ومالکی ، وحەنبەلیەکان.
تێبینى : هیچ جیاوازیەک نیە لە نێوان گۆڕی پیاو و ئافرەتدا ، ئەوەى کە باس دەکرێ کە دەبێ گۆڕی ئافرەت قوڵ تر بێ هیچ بەڵگەیەکی صەحیحی لەسەر نیە .
چوارەم: فراوان کردنی گۆڕ :
باش وایە گۆڕ فروان بکرێت ، ئەمە دەقی قسەی شافعی وحەنبەلیەکانی لەسەرە .
پێنجەم: حوکمی داپۆشینی گۆڕی ئافرەت لەکاتى ناشتنی دا:
باش وایە گۆڕی ئافرەت بە شتێک وەکو بەتانی دابپۆشرێت لە کاتى ناشتنیدا ، هەریەک لە: ابنُ قُدامة، وابنُ مُفلِح کۆدەنگیان لەم بارەیەوە نەقڵ کردووە. چونکە ئافرەت عەورەتە ، ودوور نی یە بەشێک لەجەستەی دەرکەوێت وئەوانەی لەوێ ئامادەن بیبینن.
حوکمی کەسێک وەسیەت بکات لەشوێنێکی تر بنێژرێتدواى ناشتنى مردوو بۆچی بۆ پیاو سێ بلۆک دادەنرێ لە سەر و خوار و ناوەڕاستى بەڵام بۆ ئافرەت دوو دانە؟سەردان کردنى مردووان لە ناو گۆڕەکانیان بۆ لاى یەکترحوکمى ناشتنى منداڵى تازە لە دایک بوو بەبێ شۆردن و نوێژ کردن لەسەرى چیە؟ئایا پەلە کردن لەناشتن و نوێژکردن لەسەر مردوو سوننەتە ؟ تا چەند دروستە دوابخرێت؟
