گومانى تێدا نییە كە حەج یەكێكە لە پایەكانى ئیسلام و كۆڵەكەیەكى گەورەیە، وە ئیسلامەتى كەسێك تەواو نابێت هەتا حەج نەكات ئەگەر مەرجەكانى تێدا هەبێت، وە حەڵاڵ نییە كە مەرجەكان بیگرێتەوە و حەج نەكات و دواى بـخات، چونكە فەرمانەكانى خواو پێغەمبەرەكەى ـ ﷺ ـ  دەستبەجێ جێ بەجێ دەكرێن، وە هەروەها مرۆڤ نازانێت كەلە ئایندەدا چی بەسەردێت لەوانەیە هەژار بكەوێت یان نەخۆش بكەێت یان بمرێت.
وە حەڵاڵ نییە بۆ باوكان و دایكان رێگرى بكەن لە نەوەكانیان لەوەى بڕۆن بۆ حەج ئەگەر مەرجەكانیان تێدا هەبوو، وە لەگەڵ كۆمەڵێكى متمانەپێكراودا بوون لەڕووى دین و ڕەوشتەوە.
وە دروست نییە بۆ منداڵەكان كە گوێڕایەڵى دایك یان باوكیان بكەن لە نەكردنى حەج لەگەڵ ئەوەى واجبە لەسەریان، چونكە گوێڕایەڵى هیچ كەس ناكرێت لە سەرپێچی خوادا، مەگەر لە حاڵەتێكدا كە دایكان وباوكان عوزرێكى شەرعیان هەبێت بۆ رێگری كردنەكەیان ئەوا لەوكاتەدا منداڵەكان لەسەریانە حەج كردنەكەیان دوابـخەن هەتا كاتێك كە ئەو عوزرە نامێنێت.

أسأل الله تعالى أن يوفق الجميع لما فيه الخير والصلاح.
سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله -