بەناوى خواى بەخشندەى میهرەبان
بەڕاستى ئەوە یارمەتى خوایە كە موسڵمانیت و ڕۆژووى دووشەممە و پێنج شەممە دەگرى و باقى ئەو شتانە دەكەیت كە باست كردووە.
بەڵام بۆ پرسیارەكەت كە دەڵێى هەمیشە دەترسم خوا لێم خۆش نەبێت ئەڵێم: مەنهەجى سەلەف لە ڕێگەى ئیسلامەتى و بەرەو خوا چوندا ناوەندە لە نێوان ترس و هیوادا ئەبێ ئەوەندە نەترسین تا بمانگەیەنێت بە بێ هیوایى لە ڕەحم و سۆزى خوا، وە ئەوەندەش هیوامان زیاد نەبێت كە لە خودا نەترسین و تاوانەكان بكەین بەڵكودەبێ لە نێوان ترس و هیوادا بژین ئەوانەى باسى دەكەیت كەوا دەزانیت هیچ خێرێكت نەكردووە دوو واتا هەڵدەگرێ:
ئەگەر بەماناى شانازى نەكردن بێت بە كردەوەكانى خۆت ئەوە باشە و مرۆڤ بەڕەحمى خوا دەچێتە بەهەشتەوە.
بەڵام ئەگەر بەماناى بێ هیوا بوون بێت لە ڕەحمى خوا ئەوە شتێكى خراپە و وەسوەسەى شەیتانە بۆ قورس كردنى ئایینى پیرۆزى ئیسلام.

لە لایەن مامۆستا (خلیل أحمد) ە وە وەڵام دراوەتەوە